ក្រោយបញ្ចប់វគ្គផលិតកុននៅម៉ាឡេស៊ី វណ្ណ ស៊ីដារ៉ូ ត្រៀមដឹកនាំក្រុមទៅចែកអំណោយនៅកំពង់ឆ្នាំង

2015-11-24 00:02:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រោយបញ្ចប់វគ្គសិក្សាជំនាញផលិតកុននៅប្រទេសម៉ាឡេស៊ី វណ្ណ ស៊ីដារ៉ូ នឹងដឹកនាំសមាជិកក្រុមយុវផលិតករវ័យក្មេងទាំងអស់ ទៅចែកអំណោយដល់សិស្សានុសិស្សចំនួន ៦៣៤ នាក់ នៅសាលាបឋមសិក្សាសំរោង ក្នុងសង្កាត់ផ្សារឆ្នាំង ក្រុងកំពង់ឆ្នាំង។

កម្មវិធីនេះធ្វើឡើងនៅថ្ងៃទី២៧ ខែវិច្ឆិកាខាងមុខនេះនៅទីតាំងខាងលើ ហើយពួកគេមានគោលបំណងចូលរួមចែករំលែកសេចក្ដីស្រលាញ់ និងស្នាមញញឹមដល់ក្មេងៗទាំងនោះ តាមរយៈការផ្ដល់ជំនួយជាសម្ភារៈសិក្សា។ នៅក្នុងឱកាសនោះ ប្រធានក្រុមដដែលអះអាងថា ក៏មានការចាក់បញ្ចាំងស្នាដៃភាពយន្តខ្លីរបស់ក្រុម និងផលិតករវ័យក្មេងផ្សេងទៀត ឱ្យប្រជាពលរដ្ឋរស់នៅទីនោះបានចូលរួមទស្សនាដោយសេរីផងដែរ។

វណ្ណ ស៊ីដារ៉ូ បញ្ជាក់ទៀតថា ការធ្វើសកម្មភាពមនុស្សធម៌ជាបេសកកម្មទី២របស់ក្រុមនេះ បន្ទាប់ពីការផលិតភាពយន្តខ្លី និងការលើកស្ទួយស្នាដៃភាពយន្តខ្មែរ ស្របទៅនឹងឈ្មោះថា" Z-WAY Film Tour & Charity”។ ទោះបីជាយ៉ាងអតីតជយលាភីកម្មវិធី"ពេជ្រកំពុងច្នៃ" រូបនេះអំពាវនាវសុំឱ្យមានការចូលរួមឧបត្ថម្ភពីសប្បុរសជនបន្ថែមទៀត ដើម្បីពង្រីកសកម្មភាពសប្បុរសធម៌កាន់តែធំឡើង និងអាចជួយដល់ជនក្រីក្រកាន់តែច្រើនដូចគ្នា៕