នៅ​ថ្ងៃ​ Black Friday ​ក្រុមហ៊ុន​ Amazon​ បាន​ធ្វើ​ការ​បញ្ចុះ​តម្លៃ​ យ៉ាង​ពិសេស​បំផុត​មិន​ធ្លាប់​មាន​របស់​គេ​ គឺ​​ទម្លាក់​តម្លៃ​ទៅ​លើ​សេវា​ផ្ទុក​ទិន្នន័យ​អនឡាញ​គ្មាន​ដែន​កំណត់​ ពី​ ៥៩,៩៩​ដុល្លារ​ក្នុង​មួយ​ឆ្នាំ​ មក​​នៅ​ត្រឹម​តែ​ ៥​ដុល្លារ​ក្នុង​មួយ​ឆ្នាំ​ប៉ុណ្ណោះ។

សេវា​ផ្ទុក​ទិន្នន័យ​អនឡាញ​របស់​ Amazon​ មាន​មុខងារ​អនុញ្ញាត​ឲ្យ​អ្នក​ប្រើប្រាស់​តម្កល់​ឯកសារ​នានា​របស់​អ្នក​ដូចជា​រូបថត,​ តន្ត្រី, ឬ​​ខ្សែ​ភាពយន្ត​ ជាដើម។

ចំពោះ​ពេល​វេលា​នៃ​ការ​បញ្ចប់​នូវ​ការ​បញ្ចុះ​តម្លៃ​នេះ ​ខាង ​Amazon.com មិន​ទាន់​បាន​បញ្ជាក់​នោះ​ទេ។

កន្លង​មក​ មាន​សេវាកម្ម​ជា​​ច្រើន​ដូច​ជា​ Dropbox, Google Drive ឬ​ iCloud​ បាន​ផ្ដល់​ឲ្យ​អ្នក​ប្រើប្រាស់​នូវ​ទំហំ​ណា​មួយ​ដោយ​ឥត​គិត​ថ្លៃ​។ ប៉ុន្តែ​បើ​គេ​ចង់​បាន​ទំហំ​បន្ថែម​ គេ​ត្រូវ​បង់​លុយ។ ការ​មាន​​ Cloud ​ដែល​អាច​ផ្ទុក​ទិន្នន័យ​អនឡាញ​បាន ​ផ្ដល់​ភាព​ងាយ​ស្រួល​ ព្រោះ​អ្នក​មិន​បាច់​យក​ Flash ឬ​ Hardisk តាម​ខ្លួន​នោះ​ទេ៕

ចុច​អាន៖ រឿង​រ៉ាវ​​​មិន​ទាន់​បញ្ចប់​ ក្រុម​គ្រួសារ​ Ahmed Mohamed ទាមទារ​​សំណង​១៥​លាន​ដុល្លារ​

ប្រែ​សម្រួល៖ រដ្ឋ ប្រភព៖ techbuffalo