បេក្ខនារីវ័យ១៧ឆ្នាំនេះ ខ្លាំងបែបណាបានជាអ្នកឈ្នះពាន X Factor UK 2015

2015-12-14 18:43:48
ចំនួនមតិ 0 | ចំនួនចែករំលែក 0

ចន្លោះមិនឃើញ

បេក្ខនារី Louisa Johnson បានក្លាយជាអ្នកឈ្នះពានរង្វាន់ប្រលងចម្រៀង X Factor UK 2015 បន្ទាប់ពីយកឈ្នះលើបេក្ខជន Reggie N BollieនិងChe ហើយក៏ជាបេក្ខជនវ័យក្មេងជាងគេដែលឈ្នះពានក្នុងកម្មវិធីប្រលងនេះ។

Louisa Johnson(ឆ្វេង)

ការប្រកួតថ្ងៃចុងក្រោយនេះធ្វើឡើងកាលពីយប់ថ្ងៃអាទិត្យម្សិលមិញនៅកីឡាដ្ឋាន Wembley Arena ក្នុងទីក្រុងឡុងដុង ដែលនៅសល់បេក្ខជន៣នាក់ចុងក្រោយចាំប្រកួតក្នុងនោះមាន Che Chesterman, Reggie N Bollie (ចម្រៀងដៃគូ)និង Louisa Johnson ។

ជាលទ្ធផល Louisa Johnson ទទួលបានសំឡេងបោះឆ្នោតច្រើនជាងគេពោលគឺ ៥៣,៩%។ ថ្ងៃផ្ដាច់ព្រ័ត្រនាងបានលើកយកបទ 'Forever Young' របស់លោក Bob Dylan មកច្រៀង នាំឲ្យក្លាយជាម្ចាស់ពាន X Factor UK 2015 ។ ក្រោយទទួលជ័យជំនះបេក្ខជនវ័យក្មេងរូបនេះបាននិយាយថា៖"ខ្ញុំតែងស្រមៃថាមានថ្ងៃនេះយូរឆ្នាំមកហើយ អ្នកប្រហែលជាមិនដឹងទេថា ពាននេះមានន័យយ៉ាងណាចំណោះខ្ញុំ"។

ក្នុងថ្ងៃប្រកួតចុងក្រោយនេះដែរ ក៏មានវត្តមាន ក្រុមចម្រៀង One Direction និង Adele ជាតារាកិត្តិយសនិងឡើងបកស្រាយចម្រៀងថ្មីៗរបស់ពួកគេផងដែរ៕