មជ្ឈមណ្ឌល បុផ្ផាណា ផ្ដើមគំនិតរកដំណោះស្រាយផលិត និងរកទីផ្សារលក់កុននៅបរទេស

2015-12-14 21:36:41
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីល្ងាចថ្ងៃ ពុធ សហ្ដាហ៍មុននៅមជ្ឈមណ្ឌល បុផ្ផាណា បានរៀបចំកម្មវិធីមហោស្រព ភាពយន្តអន្តរជាតិ និងរៀបចំកិច្ចពិភាក្សាស្ដីពី "ការផ្សព្វផ្សាយ ភាពយន្តពានរង្វាន់អាស៊ីសម្រាប់ការចែកចាយក្នុងតំបន់ និងអន្តរជាតិ" ដែលមានការអញ្ជើញចូលរួមពីសំណាក់ផលិតករហុងកុង ជប៉ុន និងបណ្ដាប្រទេសនៅអាស៊ីជាច្រើនរូបទៀត។

ព្រឹត្តិការណ៍នេះរៀបចំឡើងដើម្បីរកដំណោះស្រាយ និងសហការគ្នាផលិតកុន ហើយអាចឲ្យផលិតករងាយស្រួលស្វែងរកទីផ្សារលក់កុនទាំងនោះ មិនថាតែនៅក្នុងតំបន់អាស៊ីប៉ុណ្ណោះទេ គឺទូទាំងពិភពលោកតែម្ដង។ ក្នុងពេលជាមួយគ្នានោះដែរ មានផលិតករបរទេសទាំងនោះបានបញ្ចេញទស្សនៈ នឹងការយល់ឃើញរបស់ខ្លួនប្រាប់ដល់អ្នកផលិតកុនវ័យក្មេងរបស់កម្ពុជាជាច្រើនរូបទៀតផង។

កិច្ចពិភាក្សានេះធ្វើឡើងមានការសម្របសម្រួលដោយលោក ក្លារ៉េន ស៊ូ (ហុងកុង) ដែលជាអ្នកវិភាគខ្សែភាពយន្តជាន់ខ្ពស់នៅគេហទំព័រ The Hollywood Reporter និងអ្នកជំនាញខ្សែភាពយន្តកម្រិតអន្តរជាតិ រ៉ូជើ ហ្គាសៀ (ហុងកុង) ដែលជានាយកប្រតិបត្តិមហោស្រពភាពយន្តអន្តរជាតិហុងកុង។ លោកទាំងពីរបានធ្វើការចែករំលែកចំណេះដឹង និងបទពិសោធន៍ដ៏មានតម្លៃសម្រាប់វិស័យខ្សែភាពយន្ត៕