ថៅកែផលិតកម្ម BKS ធ្វើឲ្យ Surprise ក្នុងថ្ងៃអាពាហ៍ពិពាហ៍

2015-12-18 17:22:41
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀង និងជាម្ចាស់ផលិតកម្ម BKS លោក ឈុន សុវណ្ណភក្ដី បានរៀបអាពាហ៍ពិពាហ៍ហើយកាលពីម្សិលមិញ។ ក្នុងពិធីសំខាន់នៃជីវិតរបស់ខ្លួន តារារូបនេះបានធ្វើឲ្យ Surprise ដល់ ភរិយាក៏ដូចជាភ្ញៀវកិត្តិយសដែលបានអញ្ជើញចូលរួម។

សកម្មភាពដែល ធ្វើឲ្យ Surprise នោះគឺ លោក ឈុន សុវណ្ណភក្ដី បានច្រៀងបទចម្រៀងចំនួន២បទ ដែលលោកបានតែងនិពន្ធយ៉ាងពិសេស សម្រាប់ថ្ងៃអាពាហ៍ពិពាហ៍របស់ខ្លួនផ្ទាល់ ពេលពិធីកាត់នំចូលមកដល់។ បទចម្រៀងទាំង២បទនោះ គឺជាបទ Original ដោយកូនកំលោះបានរៀបរាប់ពីការចាប់ផ្ដើមស្គាល់គ្នារហូតដល់សុំរៀបការ និងការសន្យា រួមរស់ជាមួយគ្នារហូតអវសាន្តជីវិតរៀងៗខ្លួន។

កូនក្រមុំរំភើបរហូតហៀរទឹកភ្នែកចេញមក ចំណែកភ្ញៀវកិត្តិយសវិញ បានទះដៃអបអរសាទរគូស្នេហ៍១គូនេះជាខ្លាំង។ ភ្ញៀវដែលអញ្ជើញមកក្នុងពិធីកាត់ចំណងដៃ លោក ឈុន សុវណ្ណភក្ដី និង អ្នកនាង ម៉ែន ចេននីក កាលពីយប់មិញ នៅឯបូរីវិមានភ្នំពេញ មានរហូតដល់ទៅ១២០តុឯណោះ ក្នុងនោះ អ្នកសិល្បៈប្រហែលជិត១០តុ។ ភក្ដី និង ចេននីក ទើបតែស្គាល់គ្នាបានប្រហែលជាកន្លះឆ្នាំប៉ុណ្ណោះ តាមរយៈការលេង Facebook ជាមួយគ្នា៕