សារៈសំខាន់នៃការប្រកួតវាង K-Cement Cambodian All Stars និង SCG Muangthong United
- 2015-12-23 18:08:58
- ចំនួនមតិ 0 | ចំនួនចែករំលែក 0
សារៈសំខាន់នៃការប្រកួតវាង K-Cement Cambodian All Stars និង SCG Muangthong United
ចន្លោះមិនឃើញ
នាខែមករា ឆ្នាំ២០១៦ ខាងមុខនេះក្រុមខ្លាំងលំដាប់លេខ២នៅលីកបាល់ទាត់កំពូលថៃ SCG Muangthong United នឹងមកប្រកួតមិត្តភាពអន្តរជាតិនៅប្រទេសកម្ពុជាដែលជាដំណើរប្រកួតទេសចរណ៍ SCG Muangthong United Asean Tour 2016 សម្រាប់ការត្រៀមខ្លួនចូលរួមប្រកួតលីករដូវកាលថ្មី និងពានរង្វាន់ផ្សេងទៀត។
លោក រិទ្ធី សំណាង (ឆ្វេង) តំណាងក្លិប SCG Muangthong United (កណ្តាល) និងតំណាងក្រុមហ៊ុន SCG
ការប្រកួតនេះពិតជាមានសារៈសំខាន់ខ្លាំងសម្រាប់វិស័យបាល់ទាត់កម្ពុជា ពីព្រោះអស់រយៈពេលជាច្រើនឆ្នាំកន្លងមកហើយមិនធ្លាប់មានក្រុមលីកបាល់ទាត់ប្រទេសផ្សេងមកប្រកួតនៅកម្ពុជាឡើយ។
លោក ឫទ្ធី សំណាង ប្រធានអនុគណៈកម្មការផ្គត់ផ្គង់ និងហិរញ្ញវត្ថុក្នុងកម្មវិធីប្រកួតមិត្តភាពខាងមុខនេះដឹងថា ក្រុម SCG Muangthong United ជាក្រុមខ្លាំងលេខ២ប្រចាំលីកថៃ ដូច្នេះនេះជាឱកាសដ៏ល្អមួយសម្រាប់កីឡាករកម្ពុជាក្នុងការទទួលយកបទពិសោធន៍ថ្មីបន្ថែមដែលអាចជំរុញទាំងទឹកចិត្តឲ្យខ្លាំង និងបានស្គាល់ក្រុមនៅលីកកំពូលថៃ ព្រមទាំងបង្កើតជាសកម្មភាពសប្បុរសធម៌ដ៏ល្អជួយដល់មន្ទីរពេទ្យគន្ធបុប្ផា។
សូមទស្សនាវីដេអូ ការលើកឡើងរបស់លោក ឫទ្ធី សំណាងនិយាយពីសារៈសំខាន់
ក្រុម K-Cement Cambodian All Stars នឹងទទួលស្វាគមន៍ក្រុម SCG Muangthong United នៅថ្ងៃទី១៦ ខែមករា ឆ្នាំ២០១៦ខាងមុខនៅពហុកីឡដ្ឋានជាតិ រាជធានីភ្នំពេញ។ សំបុត្រចូលទស្សនាបានចេញលក់ហើយគឺតម្លៃ២ដុល្លារសម្រាប់កន្លែងមានដំបូល និង១ដុល្លារសម្រាប់កន្លែងគ្មានដំបូល។ លោកអ្នកអាចស្វែងរកទិញសំបុត្របាននៅកោះពេជ្រ ផ្សារទំនើបស៊ីធីមល និងធីខេទូលគោក៕
មើលព័ត៌មានលក់សំបុត្រ សូមចុច...ទីនេះ....
អត្ថបទ៖ ជាន ចាន់រ៉ា