ឪពុក Kim Hyun Joong ប្រាប់ថា អតីតមិត្តស្រីកូនប្រុសមិនគួរយកទារកមករកលុយនោះទេ

2015-12-28 23:36:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ឪពុករបស់តារាចម្រៀងកូរ៉េខាងត្បូង Kim Hyun Joong បានសម្ដែងការដឹងកំហុសរបស់ខ្លួនចំពោះចៅដែលទើបតែកើតមករបស់លោក ហើយក៏បានបង្ហាញពីភាពខឹងសម្បារចំពោះម្ដាយរបស់វាដែរ។

នៅក្នុងកម្មវិធី "Section TV” របស់ប៉ុស្តិ៍ទូរទស្សន៍ MBC ដែលបានចាក់ផ្សាយកាលពីថ្ងៃទី២៧ ខែធ្នូមុននេះ ឪពុករបស់តារាចម្រៀងនិងសម្ដែង Kim Hyun Joong បាននិយាយពីអារម្មណ៍របស់ខ្លួនក្រោយពេលដឹងថា កូននៅក្នុងផ្ទៃរបស់អតីតមិត្តស្រី Kim Hyun Joong គឺពិតជាចៅរបស់ខ្លួនមែន។

"ពួកយើងមានអារម្មណ៍ថា មានកំហុសចំពោះទារកមួយនេះ។ បើសិនជាម្ដាយរបស់គេគ្មានលទ្ធភាពចិញ្ចឹមវាទេ ពួកយើងនឹងទទួលចិញ្ចឹមក្មេងនេះ" ឪពុកអតីតសមាជិកក្រុមចម្រៀង SS501 និយាយពីចៅរបស់ខ្លួន។

ជាមួយគ្នានេះដែរ មូលហេតុដែលញ៉ាំងឲ្យឪពុករបស់ Kim Hyun Joong ចង់ទទួលយកទារកនេះមកចិញ្ចឹមនោះគឺដោយសារម្ដាយរបស់ក្មេងនេះទាមទារប្រាក់ឧបត្ថម្ភខ្ពស់ពេក។ ក្រោយពេល DNA របស់កូនប្រុសនេះត្រូវបង្ហាញជាសាធារណៈ Choi អតីតមិត្តស្រីរបស់មេក្រុម SS501 បានទាមទារឲ្យគ្រួសាររបស់តួរឿង "Boys Over Flowers” ត្រូវផ្ដល់ឲ្យនាងមួយខែ ៥លានវ៉ុន (៤២០០ ដុល្លារ)។

ជាមួយនឹងសំណើនេះដែរ ឪពុករបស់តារាចម្រៀងវ័យ ២៩ ឆ្នាំបានព្រមានទៅកាន់នាង Choi ថា នាងមិនគួរណាយកក្មេងមកធ្វើជាឧបករណ៍ដើម្បីរកលុយនោះទេ។ ឆ្លើយតបជាមួយនឹងការចោទប្រកាន់នេះ មេធាវីរបស់នាង Choi បានប្រកែកវិញថា "នៅពេលចិញ្ចឹមក្មេង បើមិនត្រូវការលុយ តើត្រូវការអ្វីវិញ ពួកយើងគ្រាន់តែទាមទារតម្លៃដ៏សមរម្យមួយតែប៉ុណ្ណោះ"៕

ចុចអាន៖Kim Hyun Joong ធ្វើឲ្យអតីតមិត្តស្រីមានផ្ទៃពោះ ៥ដង ក្នុងរយៈពេល២ឆ្នាំ

ប្រែសម្រួល៖ សុវណ្ណផៃ ប្រភព៖allkpop