ធី ណាតា ភ្ជាប់ពាក្យរួច ចុះអេតាស៊ីវិលនឹងឆាប់បានរស់នៅជាមួយគ្នា

2016-01-13 20:16:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ធី ណាតា បានរៀបចំពិធីភ្ជាប់ពាក្យនៅផ្ទះនាងព្រឹកនេះក្នុងបុរីពិភពថ្មី បន្ទាប់ពីស្រលាញ់គ្នាត្រឹមរយៈពេល ២ ខែប៉ុណ្ណោះ និងបានបញ្ជាក់ដោយមិនលាក់លៀមថា ពេលភ្ជាប់ពាក្យហើយពួកនាងនឹងទៅចុះអេតាស៊ីវិលតែម្ដង នឹងអាចបាននៅជាមួយគ្នាដោយស្របច្បាប់ ហើយឆាប់យកកូន។

“ពេលភ្ជាប់ពាក្យរួចខ្ញុំនឹងដឹកដៃគ្នាទៅចុះអេតាស៊ីវិលតែម្ដង។ ខ្ញុំធ្វើបែបនេះ ព្រោះពួកខ្ញុំអាចបណ្ដើរគ្នា ឬអាចរស់នៅជាមួយគ្នាបានដោយមិនខុសច្បាប់ឡើយ។”គ្រងក្នុងឈុតប្រពៃណីពណ៌ក្រហម កូនក្រមុំរូបស្រស់បានឲ្យ Sabay ដឹងថា នាងសម្រេចភ្ជាប់ពាក្យឲ្យហើយសិន តែថ្ងៃមង្គលជ័យនាងមិនទាន់ប្រាកដទេ តែវេលាល្អដែលអាចារ្យប្រាប់គឺនៅចុងឆ្នាំនេះឯង។

ធី ណាតា បានបន្តយ៉ាងមុតមាំថា នាងចង់បានកូនឆាប់ៗនេះ ព្រោះស្រលាញ់ក្មេង ហើយចំណែកបុរសជាគូដណ្ដឹងវិញ ក៏តាមតែចិត្តនាងដែរ។ ក្នុងពិធីនោះដែរមិនសូវជាមានការចូលរួមពីសំណាក់អ្នកសិល្បៈច្រើនទេ គឺមានតែលោក អេឡិច ចាន់ត្រា រ៉ូលីន លោកសុខ រក្សា និង កុល ដាវី អ្នកនាង ឆ័យលី ដាឡែន និងស្វាមី ប៉ុណ្ណោះ។

តារាស្រីវ័យ ២៨ ឆ្នាំរូបនេះក៏បាននិយាយដោយគ្មានការលាក់បាំងថានាង និងគូដណ្ដឹងវ័យ ៤២ ឈ្មោះ ម៉ន់ គង់ ក៏ត្រៀមបើកមុខរបររកស៊ីរបៀបជា Mart ជាមួយគ្នាទៀតផង៕