ហេតុអ្វីបានជា វឌ្ឍនាកា ថើបដៃ ក្រោយស៊ុតបាល់ចូលទី?

2016-01-18 20:20:47
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាឆ្នើមវ័យ២១ឆ្នាំ ចាន់ វឌ្ឍនាកា ត្រូវបានអ្នកគាំទ្រមើលឃើញថា រូបគេតែងតែថើបដៃស្តាំរបស់ខ្លួនដើម្បីអបអរសាទរ បន្ទាប់ពីរូបគេបានស៊ុតបញ្ចូលទីរបស់ដៃគូប្រកួត។ តើនៅលើដៃរបស់កីឡាកររូបនេះមានអ្វីទើបបានជារូបគេថើបដូច្នេះ?

ជាក់ស្តែងក្នុងព្រឹត្តិការណ៍ប្រកួតមិត្តភាពអន្តរជាតិដែលក្រុម K-Cement Cambodian All Stars បានយកឈ្នះក្រុម SCG Muangthong United ៤-៣ កាលពីថ្ងៃសៅរ៍កន្លងទៅនេះ ចាន់ វឌ្ឍនាកា បានស៊ុតបញ្ចូលទីបាន២គ្រាប់ ហើយបានរត់អបអរសាទរដោយបានថើបដៃរបស់គេ ស្របពេលដែលទទួលបានស្វាគមន៍យ៉ាងខ្លាំងពីអ្នកទស្សនារាប់ម៉ឺននាក់។

តាមពិតនៅលើដៃផ្នែកខាងក្នុងគឺមានរូបសាក់មួយដែលសរសេរអក្សរថា «គុណមាតាបិតា» ដូច្នេះមានន័យថា រូបគេរំលឹកដល់គុណរបស់ឪពុកម្តាយរបស់ខ្លួនដែលជាអ្នកមានគុណ។ ម្យ៉ាងទៀតក៏អាចនិយាយថា ការរត់ថើបដៃនេះក៏ជាស្តាយល៍ផ្ទាល់ខ្លួនរបស់គេមួយដែរដើម្បីអបអរគ្រាប់បាល់ដែលរូបគេបានស៊ុតបញ្ចូលទី។