តារា ២ រូប អះអាងជួយកូនៗរបស់ វណ្ណ មករា

2016-01-18 17:59:02
ចំនួនមតិ 0 | ចំនួនចែករំលែក 0

ចន្លោះមិនឃើញ

យ៉ាងហោចណាស់ មានតារាចម្រៀង ២ រូបហើយ ធ្លាប់បានអះអាងជួយកូនទាំងពីររបស់ វណ្ណ មករា ក្រោយឪពុកស្លាប់ទៅ។

ក្នុងនាមជាបងប្អូនធម៌ លោក ទិត្យ វិច្ឆិកា ធ្លាប់បានសន្យាចំពោះវិញ្ញាណក្ខន្ធរបស់សព វណ្ណ មករា ថា លោកនឹងជួយមើលថែក្មេងៗឱ្យបានល្អ និងមានអនាគតមិនខានឡើយ ព្រោះលោកចាត់ទុកថា ពួកគេជាក្មួយរបស់លោក។ ម្យ៉ាងទៀតតារាចម្រៀងមានជា " សិល្បករក្នុងឆន្ទៈសង្គម" រូបនេះបញ្ជាក់ថា ព្រោះ វណ្ណ មករា ជាសិល្បករ និងជាប្អូនប្រុសម្នាក់ ដែលរូបលោកស្រឡាញ់ជាងគេ។

ចំណែកឯតារាចម្រៀង ខាន់ ជេមស៍ ក៏ធ្លាប់បានលើកឡើងដែរថា វណ្ណ មករា ធ្លាប់មានគុណលើរូបលោក កាលមិនទាន់មានឈ្មោះបោះសំឡេង គ្រាដែលលោកទើបឡើងមករស់នៅភ្នំពេញដំបូង។ លោកអះអាងថា៖ " ថ្វីបើមិនទាន់បានជួយអ្វីដល់ឪពុកពិតមែន ប៉ុន្តែខ្ញុំនឹងជួយកូនៗរបស់គាត់តាមលទ្ធភាពខ្ញុំមាន"។

លោកអះអាងថា នឹងជួយជ្រោមជ្រែងនាំក្មេងៗចូលវិស័យសិល្បៈ ប្រសិនបើពួកគេមានទេពកោសល្យ និងចំណង់ចំណូលចិត្ត។ ប៉ុន្តែបើពួកគេមិនចាប់អារម្មណ៍អាជីពនេះទេ គឺអាចជួយតាមមធ្យោបាយផ្សេងទៀត៕