ច្រឹង ពលរដ្ឋ ប្រកាសភ្ជាប់ពាក្យនឹងសង្សារ ថ្ងៃទី២៧ មករា ខាងមុខនេះ
- 2016-01-25 21:41:20
- ចំនួនមតិ 0 | ចំនួនចែករំលែក 0
ច្រឹង ពលរដ្ឋ ប្រកាសភ្ជាប់ពាក្យនឹងសង្សារ ថ្ងៃទី២៧ មករា ខាងមុខនេះ
ចន្លោះមិនឃើញ
ច្រឹង ពលរដ្ឋ បានប្រកាសប្រាប់ដល់អ្នកគាំទ្រ និងមិត្តភ័ក្ដិថា ខ្លួននឹងធ្វើពិធីភ្ជាប់ពាក្យជាមួយកញ្ញា ប៊ុន រ៉ាណែត នៅថ្ងៃទី២៧ ខែមករា ឆ្នាំ២០១៦នេះ បន្ទាប់ពីស្វែងយល់ចិត្តគ្នាអស់រយៈពេលជាង៥ឆ្នាំមកហើយ។
ដោយមានការជជែកដេញដោលចំពោះរឿងស្នេហារបស់ ច្រឹង ពលរដ្ឋ ជាមួយនឹងសង្សារថាតើពេលបានរៀបការនោះ ពេលនេះសាមីខ្លួនគេបានបង្ហោះនៅលើបណ្ដាញសង្គម Facebook ហើយថា ខ្លួននឹងភ្ជាប់ពាក្យជាមួយសង្សារ ប៊ុន រ៉ាណែត នៅថ្ងៃ២៧នេះ ហើយចំពោះគម្រោងរៀបការវិញនឹងធ្វើឡើងនៅ២ឆ្នាំខាងមុខទៀត។
ពលរដ្ឋ បានបន្ថែមទៀតថា សង្សាររបស់គេនេះ គឺជាកម្លាំងចិត្ត និងជាមនុស្សដែលតែងតែគាំទ្រខ្លួនគ្រប់ពេលវេលា។ ហើយអ្វីដែលជាចំណុចពិសេសរបស់នាងគឺក្ដីស្រលាញ់ ធំធេងមិនមែនសម្រស់ រូបកាយឬក៏របស់មានតម្លៃអ្វីទាំងអស់គឺស្រលាញ់ដោយចិត្តស្មោះ។
ខាងស្រី ប៊ុន រ៉ាណែត ធ្លាប់បានប្រាប់ Sabay ថា ច្រឹង ពលរដ្ឋ និងកញ្ញាជាសិស្សរៀននៅសាលាជាមួយគ្នានៅរាជធានីភ្នំពេញនេះ ហើយចាប់ផ្ដើមទំនាក់ទំនងស្នេហា ដោយសារមិត្តរបស់កញ្ញាម្នាក់ដែលត្រូវជាប្អូនជីដូនមួយរបស់ពលរដ្ឋជាអ្នកណែនាំឱ្យស្គាល់គ្នាតាំងពីដើមឆ្នាំ២០១១៕
អត្ថបទ៖ មុន្នី រម្យ