Valdes សរសេរលាអ្នកគាំទ្រ Man Utd
- 2016-01-22 17:04:53
- ចំនួនមតិ 0 | ចំនួនចែករំលែក 0
Valdes សរសេរលាអ្នកគាំទ្រ Man Utd
ចន្លោះមិនឃើញ
អ្នកចាំទីក្រុមបិសាចក្រហម Victor Valdes បានសរសេរលាអ្នកគាំទ្រនៅក្នុងទំព័រ Facebook និង Instagram របស់ខ្លួនថា៖ " អរគុណអ្នកទាំងអស់គ្នាដែលបានគាំទ្រខ្ញុំ អំឡុងពេលប៉ុន្មានខែដែលខ្ញុំប្រឹងប្រែង។ ខ្ញុំនឹងមិនបំភ្លេចនោះទេ។ ជួបគ្នាឆាប់ៗ!"។
ការសរសេរនេះ មានន័យថាសុបិនអាក្រក់របស់អតីតអ្នកចាំទី Barcelona នៅ Old Trafford ជិតឈានដល់ទីបញ្ចប់ហើយ ខណៈក្លឹបបែលហ្សិក Standard Liege បានត្រៀមរួចរាល់ក្នុងការនាំយកកីឡាករអេស្ប៉ាញ ក្នុងលក្ខខណ្ឌខ្ចីជើងរហូតចប់រដូវកាល។
អ្នកចាំទីវ័យ៣៤ឆ្នាំ បានចុះកុងត្រានៅ Man Utd រយៈពេល១៨ខែកាលពី១ឆ្នាំមុន ប៉ុន្តែត្រូវអ្នកចាត់ការ Louis van Gaal ទុកចោល មិនដាក់ឲ្យលេងសោះ។ កាលពីរដូវកាលមុន Valdes បានចូលលេងក្នុងក្រុមឈុតធំបានតែ២ប្រកួតប៉ុណ្ណោះ ហើយត្រូវដកឈ្មោះពីបញ្ជីកីឡាករដែលត្រូវទៅលេងត្រៀមបើករដូវកាលនៅអាមេរិកផងដែរ។
Valdes សម្រាកលំហែកាយជាមួយភរិយា Yolanda Cardona
ក្រោយឃើញសារខាងលើ អ្នកចាំទីដៃទី១ David de Gea ដែលជាមិត្តរួមជាតិអេស្ប៉ាញរបស់ Valdes បានសរសេរសារជូនពរសិស្សច្បងរបស់ខ្លួនផងដែរ ដូចបង្ហាញក្នុងរូបខាងក្រោមនេះស្រាប់។
ចុចអាន៖ Valdes ចង់ចាកចេញពី Man United ទៅលេងឲ្យក្លិបនៅប្រទេសកំណើត