គង់ សុធារិទ្ធ ប្រកាសរកជំនួយសង់ផ្ទះជូនលោកយាយវ័យ ៧៩ ឆ្នាំ

2016-01-25 17:32:20
ចំនួនមតិ 0 | ចំនួនចែករំលែក 0

ចន្លោះមិនឃើញ

គង់ សុធារិទ្ធ កំពុងប្រកាសស្វែងរកជំនួយ ដើម្បីសង់ផ្ទះជូនដល់លោកយាយវ័យ ៧៩ ឆ្នាំ ដែលជាទុរគតគ្មានទីពឹង។

តារាចម្រៀងរូបនេះបាននិយាយថា ជីដូនជរាគ្មានទីពឹងមានឈ្មោះ ប្រេស ខន កំពុងរស់នៅក្នុងភូមិដំណាក់អំពិល ស្រុកអង្គស្នួល ខេត្តកណ្ដាល។ ហើយផ្ទះ ដែលត្រូវសង់នោះមានទំហំ ៤ x ៦ម៉ែត្រ ប្រក់ស័ង្កសី ល្មមអាចឱ្យលោកយាយកំព្រាខាងលើរស់នៅបាន និងចំណាយអស់ទឹកប្រាក់ប្រមាណ ១ ៥០០ ដុល្លារអាមេរិក។

មន្ត្រីក្រសួងវប្បធម៌ដដែលបន្តថា ក្រៅពីនេះ ក៏មានសប្បុរសជនមួយចំនួន បានចូលរួមឧបត្ថម្ភផងដែរដូចជាមានទាំង មុងភួយ កន្ទេលខ្នើយ ថ្នាំសង្កូវ និងសម្ភារៈថវិកាមួយចំនួនទៀត។ លោក គង់ សុធារិទ្ធ សង្ឃឹមថា នឹងមានសប្បុរសជនចូលរួមបន្ត សម្រាប់សកម្មភាពជួយដល់លោកយាយជរារូបនេះ និងទុរគតជនផ្សេងទៀត៕

អត្ថបទ៖ សំ ជំនាញ

រូបថត៖ ផ្ដល់ឱ្យ