លោកតា ជ័យ ប៊ុនឈឿ ធូរស្រាលពីជំងឺមហារីកបានច្រើនហើយ

2016-01-27 16:03:12
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹទ្ធាចារ្យអាជ្ញាកណ្ដាលលោកតា ជ័យ ប៊ុនឈឿ បានធូរស្រាលពីជំងឺមហារីកជើងបានប្រមាណជាង ៦០ % ហើយ ក្រោយព្យាបាលដោយចាក់ថ្នាំគីមីសម្លាប់មេរោគ នៅមន្ទីរពេទ្យកាល់ម៉ែត្រ កាលពីពេលកន្លងទៅ។

ឆ្លើយឆ្លងតាមរយៈទូរសព្ទជាមួយ Sabay អតីតអាជ្ញាកណ្ដាលដ៏មានប្រជាប្រិយភាពលោកតា ជ័យ ប៊ុនឈឿ បានឲ្យដឹងថា លោកបានធូរស្រាលពីជំងឺប្រហែលជាង ៦០% បន្ទាប់ពីមានការជួយជ្រោមជ្រែងពីប្រជាពលរដ្ឋតាមរយៈការផ្ដល់ជាជំនួយ ដើម្បីព្យាបាល។ លោកតាអាចដើរ និយាយទូរសព្ទ និងទទួលទានអាហារបានល្អប្រសើរជាងមុនច្រើន។

ព្រឹទ្ធាចារ្យរូបនេះបន្តថា លោកសូមអរគុណដល់សន្ដានចិត្តរបស់លោកជំទាវ ហ៊ុន ម៉ាណា អគ្គនាយកនៃទូរទស្សន៍បាយ័ន ដែលបានជួយចេញថ្លៃព្យាបាល និងប្រជាពលរដ្ឋទាំងអស់ក្នុងការជួយឧបត្ថម្ភកន្លងមក។ គ្រូពេទ្យដែលទទួលបន្ទុកចាក់ថ្នាំជាតិគីមីសម្លាប់មេរោគមហារីក បានប្រាប់លោកតាថា ត្រូវចាក់រហូតគ្រប់ចំនួន៦ដងទើបបានជាសះស្បើយវិញ ប៉ុន្តែក្រោយចាក់គ្រប់ចំនួនហើយ គ្រូពេទ្យនៅតែបន្តពិនិត្យរហូតអាចសន្មតថា សភាពជំងឺមិនឈឺម្ដង ទៀតទើបឈប់ចាក់ថ្នាំគីមី៕