តួឯកស្រី "វិញ្ញាណលោកម្ចាស់គ្រញូង" តួប្រុសធ្វើឲ្យភ័យលស់ព្រលឹង

2014-10-22 22:34:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញា តួតា ភ័យលស់ព្រលឹងពេលថតរឿង "វិញ្ញាណលោកម្ចាស់គ្រញូង" ជាមួយលោក អ៊ុន សិទ្ធា ដោយឃើញតួឯកប្រុសរូបនេះរងគ្រោះកាចហូរឈាមខ្លាំងពេក ក្នុងឈុតមួយដែលលោកម្ចាស់គ្រញូងប្រយុទ្ធការពារខ្លួនជាមួយអ្នកស្រុក។

“បងធា គាត់ត្រូវរបួសបង...គាត់ហូរឈាមច្រើនណាស់ ខ្ញុំអត់ខ្លាចឈាម ប៉ុន្តែឃើញគាត់ហូរឈាមច្រើនអីចឹង ខ្ញុំទៅជាភ័យ...ភ័យខ្លាំងពេលឃើញគាត់ទន់ជង្គង់ចង់ដួល ពេលហ្នឹងខ្ញុំឆ្លេឆ្លាមែនទែន នឹកឃើញរកកៅអីមកឲ្យគាត់អង្គុយ ក៏រត់ទៅយកអាកៅអីនៅឆ្ងាយឯណោះ អានៅជិតខ្លួននេះមានដែរ អត់ព្រមយក!”។ កញ្ញា តូតា ថ្លែងរឿងលោក អ៊ុន សិទ្ធា រងរបួស។

តារាម៉ូដែល និងសម្ដែងរូបនេះ បញ្ជាក់បន្ថែមថា នាងធ្លាប់សម្ដែងឃើញគ្រោះចៃដន្យរបៀបច្រើនដងមកហើយ ប៉ុន្តែមានតែលើកនេះប៉ុណ្ណោះដែលធ្វើឲ្យនាងភ័យខ្លាំងជាងគេ ព្រោះតែឃើញដៃគូសម្ដែងភ្លាមៗហាក់បាត់ស្មារតី។

មិនត្រឹមតែឈុតនេះទេ ដែល តូតា ជួបអាការភិតភ័យ កញ្ញាផ្ទាល់បានឲ្យដឹងទៀតថា នៅមួយឈុតទៀត គឺឈុតដែលនាងត្រូវរត់ចូលក្នុងទីងមោងភ្លើងក៏ធ្វើឲ្យនាងភ័យមិនស្ទើរដែរ។ "ឈុតហ្នឹងក៏ខ្ញុំភ័យដែរ ព្រោះទីងមោងហ្នឹងធំណាស់ មីង(អ្នកស្រី ពាន់ ភួងបុប្ផា) ធ្វើអស់លុយយ៉ាងច្រើន ខ្ញុំត្រូវតម្រូវឲ្យរត់ចូលទីងមោងភ្លើងនេះ...មិនចូលមែនទែនទេ ប៉ុន្តែភ័យត្រង់ឃើញធំពេកចេះតែខ្លាចវារលំលើ!"

"វិញ្ញាណលោកម្ចាស់គ្រញូង" គឺស្នាដៃចុងក្រោយបង្អស់របស់អ្នកស្រី ពាន់ ភួងបុប្ផា គិតត្រឹមពេលនេះ ដែលឆ្លុះបង្ហាញឲ្យឃើញពីទុកវេទនារបស់អំបូរឈើគ្រញូងដែលត្រូវព្រាត់ប្រាសញាតិសន្ដានដោយសារការកាប់បំផ្លាញរបស់មនុស្ស។ អ្នកស្រីថ្លែងថា មួយផ្នែកទៀត គឺអប់រំឲ្យគ្រប់គ្នាចេះស្រឡាញ់ព្រៃឈើ និងចូលរួមថែរក្សាអភិរក្សព្រៃឈើរបស់យើងទាំងអស់គ្នា។

ភាពយន្តដ៏ពិសេសនេះ នឹងមានចាក់បញ្ចាំងជូនប្រិយមិត្តបានទស្សនា នៅថ្ងៃទី ២៣ តុលា ស្អែកនេះ នៅរោងភាពយន្តលំដាប់អន្តរជាតិ Major Cineplex By Cellcard ស្ថិតនៅជាន់ទី២ផ្សារទំនើប AEON MALL៕

http://youtu.be/h4O1DOSZQ7Y

អត្ថបទ៖ ទារិកា

ពាក្យទាក់ទង

ភាពយន្តជាតិ វិញ្ញាណលោកម្ចាស់គ្រញូង

អត្ថបទពេញនិយម

តួអង្គ Spider-Man លោក Tom Holland និង គូស្នេហ៍ ចាប់ដៃគ្នាសម្តែងក្នុងខ្សែភាពយន្តខ្នាតធំ

Salah កំពុងតែវិលទៅរកកំណត់ត្រាឆ្នាំ២០២២ ដែលខ្លួនធ្លាប់ធ្វើបានជាមួយ Liverpool

Iced Latte with Noodle កាហ្វេ លាយមីឆា មីនុយភេសជ្ជៈថ្មី ល្បីនៅឥណ្ឌូនេស៊ី

ជំនឿផ្សេងៗទាក់ទងរឿងញាក់ត្របកភ្នែកតាមម៉ោង

យប់មួយនៅ ហុងកុង ៖ មកស្គាល់ Bar ល្បីៗ ទាំង ៥ ផ្តល់នូវបរិយាកាស ពេលរាត្រីដែលមិនអាចបំភ្លេចបាន

ការសាកថ្មទូរស័ព្ទតាមរយៈមុខងារ Bypass ជួយឱ្យសុខភាពថ្ម នៅល្អ ប្រើប្រាស់បានយូរអង្វែងជាងមុន

អត្ថបទថ្មី

សូម្បីតែយក្ស ក៏ញាក់ទទ្រើតតាមក្បាច់រាំក្នុង MVថ្មី “កុលាបមានបន្លា” របស់ ព្រាប សុវត្ថិ ដែរ!

Honda និង Nissan ត្រៀមចាប់ដៃគ្នា រួមបញ្ចូលជាក្រុមហ៊ុនតែមួយ ដើម្បីប្រជែងទីផ្សារជាមួយ រថយន្តចិន

រឿងភាគបុរាណចិនទាំង ១០នេះហើយ ជាថ្នាំផ្សំជួយឲ្យអតីតកាលស្រស់បំព្រងខ្លាំង

នាយករដ្ឋមន្រ្តីកម្ពុជា ជម្រុញបង្កើត Data Centre ដើម្បីរក្សាទុកស្នាដៃស្រាវជ្រាវ របស់ សិស្សនិស្សិត

តំណាងអគ្គនាយកដ្ឋានកីឡា៖ កីឡាករ កីឡាការិនីវូស៊ូទាំងអស់ទោះបញ្ចប់ការប្រកួតថ្នាក់ជាតិហើយក្ដី ត្រូវបន្តខំប្រឹងហ្វឹកហាត់ត្រៀមស៊ីហ្គេមនៅថៃទៀត