Jung Ah មេក្រុម After School សម្រេចចាកចេញ ក្រោយស្ងប់ស្ងាត់ច្រើនឆ្នាំ

2016-01-29 18:17:19
ចំនួនមតិ 0 | ចំនួនចែករំលែក 0

ចន្លោះមិនឃើញ

បន្ទាប់ពីក្លាយជាសមាជិករបស់ក្រុមចម្រៀង After School អស់រយៈពេល ៧ ឆ្នាំ Jung Ah មេក្រុមរបស់ក្រុមចម្រៀងមួយនេះបានលាអ្នកគាំទ្ររបស់ខ្លួនដើម្បីដើរជ្រើសយកផ្លូវផ្សេងទៀត។

Pledis Entertainment តំណាងក្រុមហ៊ុនរបស់តារាចម្រៀងកូរ៉េខាងត្បូង Jung Ahបានបញ្ជាក់ថានាងនឹងដើរចេញពីក្រុមចម្រៀង After School ខណៈកុងត្រារវាងនាងនិងក្រុមហ៊ុនបានមកដល់ទីបញ្ចប់។ ផលិតកម្មចម្រៀងមួយនេះបានបន្ថែមទៀតថាពួកគេកំពុងតែពិគ្រោះគ្នាពីគម្រោងថ្ងៃអនាគតរបស់ After School។

សមាជិក Jung Ah ត្រូវបានគេជ្រើសរើសជាមេក្រុមរបស់ After Schoolបន្ទាប់ពី Kahi មេក្រុមដំបូងបង្អស់របស់ After School ចាកចេញទៅ។ គិតមកដល់បច្ចុប្បន្នសមាជិកដើមដំបូងរបស់ After School នៅសល់ត្រឹមតែ Uee ម្នាក់តែប៉ុណ្ណោះ។ សមាជិកដែលបានចាកចេញពីក្រុមចម្រៀងបង្កើតឆ្នាំ ២០០៩ ចុងក្រោយបង្អស់គឺ Jooyeon ដោយនាងបានចេញទៅកាលពីពាក់កណ្ដាលឆ្នាំ ២០១៥៕

ចុចអាន៖CL ថតម្ដងៗត្រូវចំណាយលើខោអាវ ឬគ្រឿងអលង្ការម៉ឺនៗដុល្លារ

ប្រែសម្រួល៖ សុវណ្ណផៃ ប្រភព៖soompi