នាយ ពាង បើកសិប្បកម្មប្រហិត

2016-02-17 17:46:45
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងលោក គឹម ដាំរ៉ុង ហៅនាយ ពាង បច្ចុប្បន្ននេះកំពុងតែកាក់កបនឹងមុខរបរ បោះដុំប្រហិត ដែលជំនួញនេះលោកទើបតែបើកជាមួយបងប្អូនកាលពីពេលថ្មីៗនេះ។

ការងាកមកចាប់រកស៊ីបើកសិប្បកម្មប្រហិតបន្ថែមលើអាជីពសិល្បៈនេះ ត្រូវបាននាយ ពាងនិយាយថា ក៏ព្រោះតែខ្លួនឃើញមុខរបរមួយនេះស្រួលរកប្រាក់ ក៏សាកល្បងបបួលបងប្អូនចូលហ៊ុនគ្នាបើកតែម្ដងទៅ។ ដើមទុននៃការបើកសិប្បកម្មប្រហិតនេះ នាយ ពាង ប្រាប់ថា បានប្រើទុនជាង១ម៉ឺនដុល្លារ ហើយបច្ចុប្បន្នសិប្បកម្មរបស់លោក មានទីតាំងនៅឯ ចម្ការដូង ក្នុង ខណ្ឌដង្កោ។

នាយ ពាង លើកឡើងថា ប្រហិតដែលសិប្បកម្មរបស់ខ្លួនផលិត ជាប្រភេទប្រហិតស្រស់មិនមានលាយសារធាតុគីមី ហើយការរក្សាទុកក៏មិនបានច្រើនថ្ងៃទេ បានតែ ២ទៅ៣ថ្ងៃ បើលក់មិនដាច់ គឺលោកយកទៅដុតចោល មិនយកទៅលក់ឲ្យខួចសុខភាពបងប្អូននោះទេ។ ដោយសារតែគិតទៅលើគុណភាពបែបនេះ នាយ ពាង ប្រាប់ថា បច្ចុប្បន្នប្រហិតរបស់លោកមានការគាំទ្រច្រើន ដោយមានទាំងអស់ បោះដុំ ក៏ដូចជាយកទៅលក់រាយ ទាក់ទងមកទិញជាបន្តបន្ទាប់។

ខាងក្រោមនេះ គឺជាវីដេអូ ស្ដីពីការរៀបរាប់របស់ នាយ ពាង ជុំវិញការបើកសិល្បកម្មប្រហិតនេះ៕