EMAXX និង Huawei សហការគ្នាពង្រីកប្រព័ន្ធ 4G LTE ក្នុងប្រទេសកម្ពុជា

2014-09-17 23:16:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Huawei និង EMAXX កាលពីព្រឹកមិញនេះបានចុះហត្ថលេខាលើកិច្ចសន្យាសហការគ្នា ដើម្បីពង្រីកប្រព័ន្ធបច្ចេកវិទ្យា 4G LTE នៅក្នុងប្រទេសកម្ពុជានៅរយៈពេល ៣ ឆ្នាំខាងមុខ។

លោក Ye Qiong អគ្គនាយកក្រុមហ៊ុន EMAXX Telecom បានឲ្យដឹងថា ដើម្បីរួមចំណែកអភិវឌ្ឍវិស័យទូរគមនាគមន៍កម្ពុជាកាន់តែប្រសើរឡើង ក្រុមហ៊ុនបានសហការក្រុមហ៊ុន Huawei ដើម្បីពង្រីកប្រព័ន្ធបច្ចេកវិទ្យាអ៊ីនធឺណិតល្បឿនលឿន 4G LTE នៅក្នុងប្រទេសកម្ពុជានៅរយៈពេល ៣ ឆ្នាំខាងមុខ។

"យើងបានជ្រើសរើសខេត្តក្រុងគោលដៅចំនួន ៨ ដែលរួមមានរាជធានីភ្នំពេញ, ខេត្តសៀមរាប, ខេត្តព្រះសីហនុ និងខេត្តបាត់ដំបង ដើម្បីសម្រេចគោលដៅក្នុងការកសាងបណ្តាញព័ត៌មានវិទ្យា និងទូរគមនាគមន៍កម្ពុជានៅក្នុងរយៈពេល ៣ ឆ្នាំខាងមុខទៀត"។

យោងតាមឯកសារដែល Sabay ទទួលបាន គម្រោងសហការនោះរួមមាន ការកសាងស្ថានីយមូលដ្ឋាន 4G LTE, ការសាងសង់មជ្ឈមណ្ឌលប្រមូលទិន្នន័យអ៊ីនធឺណិត (IDC) បណ្តាញច្រកចេញចូលតែមួយ និងបណ្តាញទូរគមនាគមន៍ថ្នាក់ជាតិជាមួយល្បឿន 400 Gb ក្នុងមួយវិនាទី ដែលគម្រោងទាំងមូលនឹងត្រូវការរយៈពេលពី ១ ទៅ ២ ឆ្នាំ ដើម្បីបញ្ចប់ និងដែលអាចបម្រើដល់ប្រជាជនចំនួន ៩០ ភាគរយ ក្នុងខេត្តក្រុងជាគោលដៅ។

លោក Yu Quan នាយករងផ្នែកយុទ្ធសាស្ត្រ Wireless Product Line នៃក្រុមហ៊ុន Huawei បានឲ្យដឹងថា លោករីករាយដែលបានចាប់ដៃគូជាមួយ EMAXX ក្នុងការចូលរួមអភិវឌ្ឍវិស័យទូរគមនាគមន៍នៅក្នុងប្រទេសកម្ពុជា។

លោកថា ពលរដ្ឋកម្ពុជានឹងរីករាយក្នុងការទទួលសេវាអ៊ីនធឺណិតដែលមានល្បឿនលឿននិងទូលំទូលាយ នៅពេលគម្រោងនេះបញ្ចប់។

ក្រុមហ៊ុន EMAXX Telecom ជាប្រតិបត្តិករទូរគមនាគមន៍ចល័តនៅកម្ពុជា ដែលផ្តោតលើការផ្តល់សេវាអ៊ីនធឺណិតល្បឿនលឿន សេវាកម្ម VOIP សេវាកម្ម ISP សេវាកម្មទូរទស្សន៍ផ្កាយរណប និងសេវាកម្មបណ្តាញអ៊ីនធឺណិតឥតខ្សែ។ នៅដើមឆ្នាំ ២០១៥ ក្រុមហ៊ុននេះគ្រោងបើកដំណើរការជាផ្លូវការប្រព័ន្ធបច្ចេកវិទ្យា 4G LTE នៅរាជធានីភ្នំពេញ ដែលនឹងផ្តល់បណ្តាញបច្ចេកវិទ្យា 4G LTE ល្បឿនបំផុតនៅក្នុងប្រទេសកម្ពុជា។

ពាក្យទាក់ទង

ព័ត៌មានបច្ចេកវិទ្យាក្នុងស្រុក ព័ត៌មានពី EMAXX នៅកម្ពុជា Huawei Cambodia

អត្ថបទពេញនិយម

ដំណើរជីវិត អ៊ុងអ៊ីង នាយករដ្ឋមន្រ្តីវ័យក្មេងបំផុត ក្នុងប្រវត្តិសាស្រ្ត របស់ប្រទេសថៃ

ពីអាគារចាស់ សល់ពី សម័យប៉ុល ពត ក្លាយទៅជាភូមិគ្រិះ ព័ទ្ធដោយសួនធម្មជាតិ យ៉ាងមនោរម្យ!

កាន់តែទាក់ទាញ ទេសចរណ៍នៅសៀមរាប ម៉តូធំអូសរម៉កបំពាក់បាសធំៗត្រៀមជូនភ្ញៀវដើរលេងកម្សាន្ត

កម្ពុជា ជាទីផ្សារនាំចេញប្រេងឥន្ធនៈធំបំផុតទី២ របស់ប្រទសថៃ

ក្រសួងប្រៃសនីយ៍ និងទូរគមនាគមន៍ ជូនដំណឹងស្ដីពីកំណើនឡើង ការវាយប្រហារសាយប័រ

រូបចម្លាក់ “ព្រះមហាក្សត្រ ព្រះបាទជ័យវរ្ម័នទី៧ ប្រយុទ្ធជាមួយតោ” ដាក់តាំង នៅ Garden by the Bay ដ៏ល្បីល្បាញ នៅសិង្ហបុរី

អត្ថបទថ្មី

សហរដ្ឋអាមេរិក កំណត់យកពន្ធទាបបំផុតពីសិង្ហបុរី ខណៈប្រទេសឡាវ និងមីយ៉ាន់ម៉ា យកពន្ធខ្ពស់បំផុតនៅអាស៊ាន

ហ្វីលីពកាពីតាល់គ្រុប បង្ហាញនិមិត្តសញ្ញាថ្មីនៃក្រុមហ៊ុននៅកម្ពុជា អបអរខួបលើកទី 50 ឆ្នាំ

ប្រទេសចំនួន ១៤ ដែលសហរដ្ឋអាមេរិក សម្រេចកំណត់ពន្ធគយចូលជាធរមាន

ពិធីប្រណាំងទូកនៅឥណ្ឌូនេស៊ី កំពុងទទួលការចាប់អារម្មណ៍ដោយសារក្មេងប្រុសម្នាក់!

វេទិកាធុរកិច្ច 2025 BDMEបង្កើតឳកាសថ្មីៗសម្រាប់សហគ្រិន ខណៈការចូលរួមកើន យ៉ាងគួរឲ្យចាប់អារម្មណ៍

Qi An Xin បង្ហាញក្រុម "Night Eagle" APT: ភាពខ្សោយផ្នែកសន្ដិសុខសាយប័រលើ Microsoft Exchange ជាអាវុធជម្រើសរបស់ខ្លួន