ស្រីស្អាត Miss University 2016 ហាត់ដើរម៉ូដកាច់រាងម៉ាអេម

2016-02-24 17:46:30
ចំនួនមតិ 0 | ចំនួនចែករំលែក 0

ចន្លោះមិនឃើញ

សល់តែប៉ុន្មានថ្ងៃទៀតប៉ុណ្ណោះ ការប្រកួតប្រជែងកញ្ញាឯកសាកលវិទ្យាល័យ Miss University 2016 នឹងមកដល់ហើយ។ ឯបេក្ខនារីទាំង២០រូបវិញ កំពុងតែហ្វឹកហាត់យ៉ាងខ្លាំងក្លា ខណៈដែលម្នាក់ៗពោរពេញដោយឆន្ទៈក្នុងការបញ្ចេញសមត្ថភាពដើម្បីត្រៀមខ្លួនដណ្ដើមជយលាភីក្នុងវគ្គផ្ដាច់ព្រ័ត្រ។

លោក ម៉ែន និមលរតន៍ នាយកគ្រប់គ្រងប្រចាំ Sun Super Models Cambodia បានប្រាប់ Sabay ឲ្យដឹងថា៖ "បេក្ខនារីទាំងអស់បានបញ្ចេញសមត្ថភាពពិសេសរៀងៗខ្លួនក្នុងការហ្វឹកហាត់ដើម្បីក្លាយជាតារាបង្ហាញម៉ូដ ដូចជា ស្ទីលថតរូប ដើរម៉ូដ រៀនរាំ ហាត់ Yoga ទ្រឹស្ដីក្នុងការរៀបចំ និងប្រតិបត្តិខ្លួនឲ្យក្លាយជាកញ្ញាឯកដែលល្អសម្រាប់ជាគំរូដល់ក្មេងជំនាន់ក្រោយ ថែរក្សាស្បែក រៀបចំឥរិយាបថចូលរួមក្នុងកម្មវិធីធំៗដែលជាសកម្មភាពសំខាន់ៗដើម្បីយកមកធ្វើការប្រកួតប្រជែងនៅក្នុងជុំចុងក្រោយនៃកម្មវិធី Miss University 2016"។

លោកបានបន្ថែមទៀតថា បេក្ខនារីទាំង២០រូបដែលជាប់ក្នុងវគ្គជម្រុះមកពីបណ្ដាខេត្ត និងរាជធានីភ្នំពេញទាំងអស់មានភាពវៃឆ្លាត និងឆាប់ចាប់បានការបង្ហាត់បង្រៀន មានសម្រស់ស្រស់ស្អាត និងពោរពេញដោយចំណេះដឹង។

សូមមើលសកម្មភាពហាត់សមដែល Sabay បានផ្ដិតរូបភាពកាលពីម្សិលមិញនេះ៖

ឆ្លងកាត់វគ្គជម្រុះតាមសាកលវិទ្យាល័យក្នុងខេត្តសៀមរាប បាត់ដំបង កំពង់ចាម និងរាជធានីភ្នំពេញ Miss University 2016 បានចម្រាញ់យកបេក្ខនារីដែលមានសមត្ថភាព និងក្លាហានសរុប ២០ រូបមកប្រកួតប្រជែងដើម្បីជយលាភីនៅវគ្គផ្ដាច់ព្រ័ត្រដែលនឹងប្រព្រឹត្តទៅនៅថ្ងៃទី២៧ ខែកុម្ភៈ ឆ្នាំ២០១៦ នេះ នៅផ្សារទំនើបអ៊ីអន រាជធានីភ្នំពេញ៕

អត្ថបទ៖ ធីតា