សាន់ដេ សង្ឃឹមផ្ទុះច្រើនបទនៅឆ្នាំនេះ

2016-02-25 21:22:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំនេះផលិតកម្ម សាន់ដេ បានធ្វើបទចម្រៀងសម្រាប់ស្វាគមន៍ឆ្នាំថ្មីប្រមាណ៤០បទ ហើយក្នុងនោះបទចម្រៀងប្រហែលជាង១០បទសាន់ដេ សង្ឃឹមថានឹងផ្ទុះខ្លាំងនៅឆ្នាំនេះ។

បទទាំងនោះមានដូចជា បទ "ច្រៀងស្ដាប់មិនបាន" "បែកស្លុយ" "ហ៊ា" "អូនរាំពីមុខបងរាំពីក្រោយ" និង "ឌឹបៗអ៊ួយ" ជាដើម ដែលបទទាំងនោះ បានចេញថតស្វាគមន៍ឆ្នាំថ្មីនាថ្ងៃម្សិលមិញនេះ។ នេះបើតាមលោក ឡាយ សុកចំរើន នាយកចាត់ការទូទៅ។

"សម្រាប់ឆ្នាំថ្មីហ្នឹងគឺយើងធ្វើពិសេសសម្រាប់ ឆាយ វិរៈយុទ្ធ និង ខេមរៈ សិរីមន្ត ព្រោះថាទាំងក្បាច់រាំនិងបទចម្រៀង គឺយើងបានសម្រិតសំរាំងសុទ្ធតែបទល្អៗ" លោក ឡាយ សុកចំរើន បន្ថែម។

លោក Makara Cool ដែលជាអ្នកដឹកនាំ បញ្ជាក់បន្ថែមថា "ក្រៅពីថតនៅក្នុងស្ទូឌីយោខាងសាន់់ដេក៏មានថតជាលក្ខណៈសាច់រឿងបែបស្រុកស្រែផ្សេងៗផងដែរ តែសម្រាប់ទីតាំងវិញ មិនទាន់អាចកំណត់បានទេព្រោះយើងចង់អោយថតទៅចេញមកមានភាពល្អប្រសើរ និងប្លែកអារម្មណ៍" ៕

តោះ...!!! មកមើលសកម្មភាពខ្លះៗនៃការថត MV របស់ផលិតកម្ម សាន់ដេ កាលពីយប់មិញទាំងអស់គ្នា...!!!