Madonna ដៀលអ្នកបង្ហាត់ដែលលួចឡើងគ្រែជាមួយមិត្តប្រុសខ្លួននៅមុខ Fan ២ម៉ឺននាក់

2016-02-28 22:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងប៉ុប Madonna បានដៀលអ្នកបង្ហាត់ជនជាតិហ្វីលីពីនរបស់ខ្លួនមួយរូប ដោយបាននិយាយថាអ្នកបង្ហាត់រូបនោះលួចឡើងគ្រែជាមួយមិត្តប្រុសនាង។

តារាស្រីវ័យ៥៧ឆ្នាំរូបនេះ បាននិយាយនៅចំពោះមុខអ្នកគាំទ្រ២ម៉ឺននាក់អំឡុងពេលប្រគំតន្ត្រីក្នុងទីក្រុងម៉ានីល ប្រទេសហ្វីលីពីនដូចនេះថា៖ "ខ្ញុំធ្លាប់មានអ្នកបង្ហាត់សញ្ជាតិហ្វីលីពីនមួយរូប ដែលមានសម្រស់ស្រស់ស្អាត។ នាងពិតជាល្អអស្ចារ្យ និងមានទេពកោសល្យជាអ្នកបង្ហាត់។ ប៉ុន្តែ នាងបានឡើងគ្រែជាមួយមិត្តប្រុសរបស់ខ្ញុំ ហេតុនេះខ្ញុំក៏បញ្ឈប់នាងភ្លាម"។

ម្ចាស់បទ "Like A Virgin” បានបន្ថែមថា ក្នុងករណីនេះវាមិនមែនជាការបញ្ចប់ដ៏រីករាយមួយ ហើយបានទទួលស្គាល់ថាខ្លួនហាក់ដូចជាបរាជ័យបន្តិចចំពោះរឿងរាវស្នេហា។

គួររំលឹកថា តារាចម្រៀងស្រីជើងចាស់រូបនេះបានជាប់ជំពាក់ជំពិនប្រយុទ្ធតទល់ជាមួយអតីតស្វាមី Guy Ritchie បន្ទាប់ពីកូនប្រុសវ័យ១៥ឆ្នាំរបស់ខ្លួនបានផ្គើននឹងបញ្ជាតុលាការ ដោយបានត្រឡប់ទៅកាន់ទីក្រុងញ៉ូវយកដើម្បីជួបឪពុករបស់គេ៕

ចុចអាន៖ សង្សារ ZAYN នាង Gigi សម្ញែងក្បាលសុដន់កណ្ដាលវាល

ប្រែសម្រួល៖ ហៃ សុខហេង ប្រភព៖ lollipop