សុវណ្ណ គិរី មោទននឹងចរិតពីធម្មជាតិ

2016-03-01 17:02:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពិធីករ សុវណ្ណ គិរី ក្នុងកម្មវិធី The Style Cambodia របស់ស្ថានីយប៉ុស្តិ៍បាយ័ន បានប្រាប់ឲ្យដឹងថា អំណោយពីធម្មជាតិបែបក្រមិចក្រមើម ដើម្បីឲ្យអ្នកនៅជុំវិញខ្លួនបានសើចសប្បាយរីករាយ លោកពិតជាមានមោទនភាព។

គិរី ថ្លែង៖" ទាំងនេះជាអំណោយពីធម្មជាតិ បងមិនដឹងថាយ៉ាងណានោះទេ ដឹងត្រឹមថាអ្នកដែលបាននៅក្បែរបងគេប្រាប់ថា គឺសប្បាយចិត្តដោយសារចារិកក្រមិចក្រមើមរបស់បង ពេលខ្លះទោះមុខបងមើលទៅដូចកាចប៉ុន្តែពួកគេនៅតែសប្បាយចិត្ត"។

(រូបថត៖ ហ្វេសប៊ុក សុវណ្ណ គិរី)

តារាសម្ដែងអាយុ៣៥ឆ្នាំបញ្ជាក់បន្ថែមថា ៖ "បច្ចុប្បន្នបងប្អូនមួយចំនួនពួកគាត់រវល់ ធ្វើការងារច្រើន ហត់ច្រើន ចឹងគាត់ត្រូវការមនុស្សម្នាក់ដើម្បីជួយពួកគាត់កុំឲ្យគិតច្រើន ហើយមានតែភាពក្រមិចក្រមើមធ្វើឆ្កួតជា ហ្នឹងហើយដើម្បីឲ្យគាត់បានសប្បាយចិត្តបន្ទាប់ពីបំពេញការងារផ្សេងៗចប់"។

ក្នុងនាមជាអ្នកមានស្រុកកំណើតនៅរាជធានីភ្នំពេញបានឲ្យដឹងទៀតថា លោកចូលសិល្បៈដំបូងតាមរយៈកម្មវិធីយុវតារាឆ្នាំ២០០៨ ប៉ុន្តែកាលនោះលោកមិនបានជាប់លេខនោះទេ ។ ដោយសារឃើញ សមត្ថភាព ខាងទូរទស្សន៍បាយ័នបានហៅលោកទៅថតរឿង កាលនោះ គិរី បញ្ជាក់ថា លោក ហ៊ុយ វាសនា ជាអ្នកផ្ដល់ឱកាស និងបង្ហាត់បង្រៀនលោកខាងវិស័យភាពយន្ត ដូច្នេះហើយទើបលោកមានគេស្គាល់ និងនៅជាប់សិល្បៈដល់សព្វថ្ងៃ សរុបបានជាង២០រឿងទាំងដុំ និងភាគ៕

មានផលិតកម្មជ្រកភ្លាម Dj កូនកណ្ដុរ ត្រៀម៤បទ វាយលុកទីផ្សារ

ចង់ដឹងថា សុខ ពិសី ច្រៀង ១ រោង ស៊ីថ្លៃប៉ុន្មានអត់?

អត្ថបទ៖ ថា ម៉ាលីដា