ល្បីថា Booysen Shane បែកបាក់ស្នេហាជាមួយ ណាតាហ្សា ហើយ
- 2016-03-03 16:11:43
- ចំនួនមតិ 0 | ចំនួនចែករំលែក 0
ល្បីថា Booysen Shane បែកបាក់ស្នេហាជាមួយ ណាតាហ្សា ហើយ
ចន្លោះមិនឃើញ
តាមប្រភពជិតស្និទ្ធនិង ណាតាហ្សា បានបង្ហើបប្រាប់ Sabay នៅថ្ងៃនេះថា ទំនាក់ទំនងស្នេហារវាងកីឡាករបាល់ទាត់ Shane Booysen ជាមួយតារាសម្ដែងកូនកាត់ខ្មែរ-ឥស្លាម ណាតាហ្សា បានឈានដល់ផ្លូវបំបែកមួយហើយ បន្ទាប់ពីមានការយល់ច្រឡំមិនចេះចប់។
មិត្តជិតស្និទ្ធនឹង ណាតាហ្សា ដែលសុំមិនបញ្ចេញឈ្មោះបាននិយាយថា ដំបូងឡើយកាលពីថ្ងៃ Booysen របួសអាទិត្យមុន ពួកគេទាំងពីរនាក់នេះមិនទាន់មានអ្វីកើតឡើងនោះទេ រហូតដល់ថ្ងៃបន្ទាប់ពីទើបមានការយល់ច្រឡំគ្នាកើតឡើង បណ្ដាលឱ្យមានបញ្ហារហូតដោះស្រាយមិនបានតែម្ដង។ រឿងរ៉ាវនោះគឺ Booysen យល់ខុសចំពោះ ណាតាហ្សា ដោយគិតថា នាងបានក្បត់រូបគេ មិននិយាយការពិត ពោលគឺគិតថា នាងកុហករូបគេទៅដើរលេងជាមួយប្រុសផ្សេង។
ដោយការមិនយល់ចិត្តគ្នាច្បាស់ ខាងប្រុសមិនព្រមសុំទោស ខណៈដែលខាងស្រីក៏មិនព្រមនិយាយរក ទើបពួកគេសម្រេចថាអាចនឹងដើរផ្លូវរៀងខ្លួនហើយ ជាជាងនៅជាមួយគ្នាឈ្លោះប្រកែកគ្នារាល់ដងយ៉ាងនេះ។
ងាកទៅមើលតាមបណ្ដាញសង្គម Facebook វិញ គូស្នេហ៍ដែលតែងតែជិតស្និទ្ធនិងគ្នារហូតនេះ បានលុបរូបភាពនៅជាមួយគ្នាអស់ទៅហើយ ខណៈដែលណាតាហ្សា ក៏បន្សល់នៅពាក្យសម្ដីប៉ុន្មានមាត់ផងដែរ ដោយនិយាយសូមឱ្យកីឡាកររបស់ភ្នំពេញក្រោនជួបតែសំណាងល្អ៕
អត្ថបទ៖ មុន្នី រម្យ