Jeanette Aw ណាត់ជួបអ្នកគាំទ្រនៅកម្ពុជាម្ដងទៀតនៅខែក្រោយ

2014-09-18 00:34:22
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងល្បីសិង្ហបុរី Jeanette Aw បានបង្ហោះវីដេអូខ្លីមួយនៅល្ងាចថ្ងៃពុធនេះ លើទំព័រ Facebook របស់នាងដើម្បីណាត់ជួបអ្នកគាំទ្រនៅកម្ពុជា ជាថ្មីម្ដងទៀតនៅខែតុលា ខាងមុខនេះ។

ក្នុងវីដេអូឃ្លីបរយៈពេល ១៥វិនាទី តារាសម្ដែងវ័យ ៣៥ឆ្នាំរូបនេះ បាននិយាយថា "នាងខ្ញុំ Jeanette Aw នឹងមកប្រទេសកម្ពុជាដើម្បីចូលរួមកម្មវិធី Meet and Greet the Journey Fan Club។ ដូច្នេះសូមចូលរួមគាំទ្រជាមួយពួកយើង នៅថ្ងៃទី១០ ខែតុលា វេលាម៉ោង ៦ល្ងាច"។

យោងតាមការបញ្ជាក់លើទំព័រ Facebook របស់ទូរទស្សន៍ខ្សែកាបរាជធានីភ្នំពេញ នៅលើកនេះ Jeanette Aw នឹងមកប្រទេសកម្ពុជា ដើម្បីចូលរួមកម្មវីធីផ្សព្វផ្សាយរឿង "ជីវិតក្នុងមាតុភូមិថ្មី" ជាមួយតារាសម្ដែងពីររូបទៀតដែលសម្ដែងរឿងនេះ គឺ Elvin Ng និង Desmond Tan។ កម្មវិធីនេះនឹងរៀបចំឡើងនៅសាលមហោស្រពចេនឡា ចាប់ពីម៉ោង ៦ដល់ ៨ល្ងាច នៅថ្ងៃទី១០ ខែតុលា ដែលអ្នកគាំទ្រអាចចុះឈ្មោះចូលរួមទស្សនាដោយសេរី តាមរយៈទំព័រហ្វេសប៊ុក PPCTVFanclub។

កាលពីពាក់កណ្ដាលខែសីហា កន្លងទៅ តារាសម្ដែងរូបនេះបានមកកម្ពុជាម្ដងហើយ ជាមួយ Elvin Ng និងTay Ping Hui ដើម្បីជួបអ្នកគាំទ្រ ផ្សព្វផ្សាយ រឿង "ព្យុះបាល់ក្រោមជើង" និងចុះសួរសុខទុក្ខកុមារកំព្រានៅអង្គការស្នាមញញឹមនៃកុមារ។