ឈីងឈីង ម្ចាស់ចិត្តធ្វើខួបឲ្យយប់មិញ

2016-03-04 21:54:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កញ្ញាឈីងឈីងតារាចម្រៀងរបស់ផលិតកម្មកាលីប កាលពីយប់មិញបានធ្វើខួបគម្រប់២៣ឆ្នាំរបស់ខ្លួននៅឯភោជនីយដ្ឋានវីហ្វេនផ្សារដេប៉ូ ដោយពិធីនេះ នាងបានទម្លាយឲ្យដឹងថា ម្ចាស់ស្នេហ៍របស់ខ្លួនជារៀបចំឲ្យ។

បុរសម្នាក់ដែលឈីងឈីង ប្រាប់ថា ជាម្ចាស់ចិត្តនោះ មានឈ្មោះថា ផន ចាន់ណា គឺអ្នកចាត់ការទូទៅក្នុងផលិតកម្មកាលីបតែម្ដង។ តារាចម្រៀងម្នាក់នេះ បានឲ្យដឹងថា អ្នកទាំងពី២បានស្គាល់គ្នារហូតដល់មានទំនាក់ទំនងស្នេហ៍ជាមួយគ្នាច្រើនឆ្នាំមកហើយ ប៉ុន្តែមិនទាន់មានគម្រោងភ្ជាប់ពាក្យ ឬ ចូលរោងការនៅឡើយទេ ពេលគឺរង់ចាំរកប្រាក់បានច្រើនសិន។ ជាមួយនឹងទំនាក់ទំនងនេះ ឈីងឈីង ប្រាប់ថា ចាស់ទាំងសងខា ងក៏បានដឹងឮ អស់ហើយ ផងដែរ ដោយពួកគាត់ទុកពេលឲ្យស្វែងយល់ចិត្តគ្នាសិន។

ក្នុងពិធីខួបយប់មិញនេះ ឈីងឈីង បានហៅអញ្ជើញភ្ញៀវប្រហែលជា១០០នាក់ ដោយនៅក្នុងនោះ មានអ្នកសិល្បៈប្រហែល៣០ទៅ៤០ នាក់ប៉ុណ្ណោះ។ នាងថា មិនហ៊ានអញ្ជើញច្រើនឡើយ ព្រោះខ្លួនឧស្សាហ៍មានកម្មវិធី ត្បិតអីកាលពីឆ្នាំទៅ នាងក៏បានធ្វើខួបបែបនេះផងដែរ ដែលកាលណោះភ ផន ចាន់ណា អ្នកចាត់ការទូទៅក្នុងផលិតកម្មកាលីប រូបនេះ ជាអ្នករ៉ាប់រងដូចគ្នា។

យប់មិញនេះ ក្រៅពីម្ចាស់ស្នេហ៍ធ្វើខួបឲ្យ ឈីងឈីងថា អាចមានកាដូរពិសេសទៀត តែនាងសូមលាក់សិន៕