ដេគ័រមុខរោងការ អាចរកចំណូលបាន រាប់រយដុល្លារ ក្នុងមួយយប់

2016-03-08 23:06:41
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ម៉ៅ រិទ្ធ ហៅ ផល ម្ចាស់ផលិតកម្មទឹកសុទ្ធម្នាក់នៅ ភូមិចក ឃុំរការក្នុង ក្រុងដូនកែវ ខេត្តតាកែវ បានចាប់យកមុខរបរបន្ថែមមួយគឺការតុបតែងប្លង់លម្អដោយផ្ការចនាជាក្បាច់យ៉ាងល្អប្រណីតសម្រាប់កូនកំលោះកូនក្រមុំឈរថតនៅមុខរោងការ។ មុខរបរបន្ថែមមួយនេះទើបបង្កើតមិនទាន់បានមួយឆ្នាំផង ប៉ុន្តែអាចរកចំណូលបានចន្លោះពី១០០ ទៅ ៥០០ដុល្លារក្នុងមួយយប់ៗ តាមកម្មវិធីតិច ឬច្រើន។

លោក រិទ្ធ បាននិយាយថា៖ “អតិថិជនស្គាល់ខ្ញុំភាគច្រើនទៅខាងស្រុកបាទី កន្ទួត សៀមរាប... នៅតាកែវនេះមានមួយៗទេបង”។ ថៅកែក្មេងផ្គត់ផ្គង់សេវាកម្មដេគ័រតាមពិធីរៀបអាពាហ៍ពិពាហ៍បានបញ្ជាក់ប្រាប់ Sabay ទៀតថា លោកមានគំរូដេគ័រទាំងអស់ ៥ឈុត ហើយមានក្រុមការងារមួយសម្រាប់ចាត់ចែង។ ចំពោះតម្លៃមួយឈុតៗជួលបាន១០០ដុល្លារ បើយកផ្កាស្រស់អាចដល់ ១៥០ដុល្លាក្នុងមួយឈុត។ បើថ្ងៃរវល់ខ្លាំងមែនទែន លោកថាអាចជួលបាន ដល់ទៅ ៥ឈុត ឬស្មើនឹង ៥០០ដុល្លារ។ រំលឹកពីការងារមុនយកភរិយា ចន្លោះឆ្នាំ២០០៦ដល់ឆ្នាំ២០១១ លោក រិទ្ធ ជាបុគ្គលិកអង្គការក្រៅរដ្ឋាភិបាលមួយនៅភ្នំពេញមានប្រាក់ខែ៤០០ដុល្លារ។ ប៉ុន្តែដោយមានគំនិតជាសហគ្រិន ខ្លួនក៏សម្រេចចិត្តឈប់ពីការងារមកជួយគ្រប់គ្រងការងារលោកឪពុកជាមេចុងភៅតាមមង្គលការ រួមទាំងបើកសិប្បកម្មផលិតទឹកសុទ្ធផង និងចុងក្រោយនេះលោក រិទ្ធ បានបង្កើតក្រុមការងារដេគ័តាមពិធីមង្គលការដែលមានសម្ភារៈដល់ទៅ ៥ឈុតដើម្បីពង្រីករបរកាន់តែធំជាងមុនឆ្លើយតបទៅនឹងតម្រូវការទីផ្សារ៕