ងាយៗ រៀនធ្វើបាយកូរ៉េ Bibimbap

2016-03-17 22:34:21
ចំនួនមតិ 0 | ចំនួនចែករំលែក 0

ចន្លោះមិនឃើញ

Bibimbap (ប្រភេទបាយច្របល់លាយបន្លែសាច់និងទឹកជ្រលក់) ជាអាហារពេញនិយមមួយរបស់ប្រជាជនកូរ៉េតែងធ្វើញ៉ាំ ជាពិសេសនៅតាមបណ្ដាហាងអាហារបែបកូរ៉េតែងមានវានៅក្នុងបញ្ជីមុខម្ហូប។ ជាមួយបាយក្ដៅៗ និងគ្រឿងផ្សំងាយស្រួលរក និងចំណាយពេលតិចក្នុងការធ្វើ អ្នកអាចធ្វើវាញ៉ាំបានតាមវិធីខាងក្រោម៖

*គ្រឿងផ្សំសាច់និងបន្លែ - សាច់គោចិញ្ច្រាំ ១០០ក្រាម - ទឹកស៊ីអ៊ីវ ១ស្លាបព្រាបាយ - ប្រេងល្ង ១ស្លាបព្រាបាយ - ស្ករស (ឬស្ករត្នោត) ១ស្លាបព្រាបាយ - ខ្ទឹមចិញ្ច្រាំ ១ភាគ៤ ស្លាបព្រាបាយ - ស្ពៃអេពីណារ (អ្នកអាចប្រើស្ពៃផ្សេងៗជំនួសដូចជាស្ពៃតឿ ចំហុយឲ្យឆ្អិនរួចលាយទឹកប្រេងល្ង អំបិល និងគ្រាប់ល្ងបន្តិច) ២៥០ក្រាម - សណ្ដែកបណ្ដុះ (ស្រុះរួច) ៣៥០ក្រាម - ផ្សិត (អ្នកអាចរើសបន្លែផ្សិតតាមដែលអ្នកចូលចិត្ត) ១០០ក្រាម - ការ៉ុត ១២០ក្រាម - សារាយក្រៀម (បើមាន) - អំបិល កន្លះស្លាបព្រាបាយ (ប្រើសម្រាប់ប្រឡាក់ផ្សិតនិងការ៉ុត) - ស៊ុត ១គ្រាប់ - ប្រេងឆា

*គ្រឿងផ្សំសម្រាប់ធ្វើទឹកជ្រលក់៖

ប្រេងល្ង ១ស្លាបព្រាបាយ
ស្ករស (ឬស្ករត្នោត) ១ស្លាបព្រាបាយ
ទឹក មួយស្លាបព្រាបាយ
គ្រាប់ល្ង ១ស្លាបព្រាបាយ
ទឹកខ្មេះ ១ស្លាបព្រាបាយ
ខ្ទឹមសចិញ្ច្រាំ ១ស្លាបព្រាបាយ
ទឹកម្ទេសខាប់កូរ៉េ (អាចរកទិញបាននៅផ្សារទំនើប)

វិធីធ្វើទឹកជ្រលក់៖ យកទឹកម្ទេសខាប់កូរ៉េ លាយប្រេងល្ង ស្ករត្នោត ទឹក គ្រាប់ល្ង ទឹកខ្មេះ ខ្ទឹមចិញ្ច្រាំ កូរលាយចូលគ្នាឲ្យសព្វ។ Bibimbap៖

យកសាច់គោចិញ្ច្រាំប្រឡាក់លាយទឹកស៊ីអ៊ីវ ប្រេងល្ង ស្ករត្នោត និងខ្ទឹមចិញ្ច្រាំចូលគ្នា ទុកដោយឡែក។
ហាន់ការ៉ុត និងផ្សិត រួចដាក់ឆាត្រឡប់ប្រេងឆា ផ្សេងគ្នាទុកដោយឡែក។ ឆាសាច់គោចិញ្ច្រាំប្រឡាក់រួច ចៀនស៊ុតឲ្យឆ្អិន។ - យកបាយមក រួចដាក់ បន្លែផ្សិតឆារួច ការ៉ុត ស្ពៃតឿ សណ្ដែកបណ្ដុះ សារាយ សាច់គោ ទឹកជ្រលក់ និងស៊ុតចៀន លាយចូលគ្នានោះអ្នកនឹងបាន Bibimbap មួយចាន។ ទស្សនាវីដេអូខាងក្រោម៖