៤ ជំហានប្រែកាបាំងម៉ូតូបែកឱ្យស្អាតដូចដើម

2016-03-23 22:04:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ធម្មតាពេលម៉ូតូបុកបែកកាបាំងត្រង់ចំណុចណាមួយ ជាងផ្សាតែងមានវិធីសាស្ត្រក្នុងការផ្សារភ្ជាប់កាបាំងទាំងនោះឱ្យស្អាតដូចដើមឡើងវិញ ដោយធ្វើតាមជំហានណែនាំដោយអ្នកជំនាញ។

លោក យ៉ា ដែលប្រកបរបរជាជាងផ្សាកាបាំងម៉ូតូប្រមាណ ៣ឆ្នាំបានឱ្យដឹងថា ធម្មតាកាបាំងម៉ូតូដែលធ្លាប់ជួបការប៉ះទង្គិច តែងមានបញ្ហាបែកបាក់ផ្សេងៗគ្នា តែយ៉ាងណាអ្នកជំនាញនៅតែអាចផ្សាភ្ជាប់បាញ់ថ្នាំបាន ដោយធ្វើតាមជំហានៗដូចខាងក្រោម៖

១. ប្រើកាវផ្សាភ្ជាប់ហើយខាត់ ក្នុងករណីកាបាំងម៉ូតូបែកដាច់ចេញពីគ្នា ជាងផ្សាត្រូវយកជ័រម្យ៉ាងដែលគេតែងនិយមហៅ ក្បាលមាន់ យកមកដុតហើយផ្សារភ្ជាប់កាបាំងទាំងនោះភ្ជាប់គ្នា ហើយខាត់ដើម្បីកន្លែងផ្សានោះស្មើសាច់គ្នា។

២. បៀក

បន្ទាប់មកជាងត្រូវប្រើកាវបៀក បៀកត្រង់កន្លែងដែលផ្សារួចឬកន្លែងថ្នាំម៉ូតូរបក ដោយប្រើថ្នាំបៀកលាយនឹងថ្នាំជំនួយឱ្យឆាប់រឹងនិងខាំជាប់ ហើយច្របល់គ្នាឱ្យសព្វ រួចបានចាប់ផ្តើមបៀក ដើម្បីឱ្យកន្លែងផ្សារួចខាំជាប់គ្នា។

៣. ខាត់

ក្រោយប្រើកាវបៀករួច ត្រូវប្រើក្រដាសខាត់ ខាត់ត្រង់កន្លែងបៀករួចនោះរហូតដល់ស្មើ មុនឈានដល់ជំហានទី ៤។

៤. បាញ់ថ្នាំ

នេះជាជំហានចុងក្រោយគេបង្អស់បន្ទាប់ពី ឆ្លងកាត់ជំហានទី១,២ និងទី ៣។ ក្រោយខាត់បានស្អាតម៉ត់ស្មើហើយ ត្រូវបាញ់ថ្នាំដើម្បីឱ្យត្រង់កន្លែងដែលជួសជុលនោះស្អាតដូចដើម។