កូនប្រុសរបស់ឪពុក ហុក សុចិត្រា គ្រូចំបាប់ជម្រើសជាតិសុទ្ធជាកីឡាករបាល់ទាត់

2016-04-16 14:27:17
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហុក ឈាងគីម ជាគ្រូបង្ហាត់កីឡាចំបាប់ជម្រើសជាតិកម្ពុជាដ៏ល្បីមួយរូប ប៉ុន្តែកូនប្រុសរបស់គាត់ទាំងអស់សុទ្ធតែជាកីឡាករបាល់ទាត់ បើទោះជាពួកគេបានហ្វឹកហាត់កីឡាបែបប្រយុទ្ធ និងសម្តែងក៏ដោយ។

គ្រូបង្វឹកចំបាប់ ហុក ឈាងគីមបានឲ្យដឹងថា កូនប្រុសរបស់ទាំង៣នាក់សុទ្ធតែក្លាយជាកីឡាករបាល់ទាត់ ប៉ុន្តែកាលពីក្មេងៗ ពួកគេបានហាត់ក្បាច់គុនការ៉ាតេ តេក្វាន់ដូ និងយូដូរហូតទទួលបានខ្សែក្រវាត់ខ្មៅ។ ទោះជាយ៉ាងណា ក្រោយមកពួកគេបានចាប់យកកីឡាបាល់ទាត់ជាអាជីព។

កូនប្រុសទាំង៣របស់គាត់ អ្នកគាំទ្របាល់ទាត់កម្ពុជាបានស្គាល់យ៉ាងច្បាស់ហើយគឺលោក ហុក សុចិត្រា អតីតកីឡាករបាល់ទាត់កម្ពុជាដ៏ល្បី និងជាអតីតគ្រូបង្វឹកក្រុមបាល់ទាត់ជម្រើសជាតិ។ លោក ហុក សុទិត្យា និងលោក ហុក សុជីវ័ន្តក៏ជាអតីតកីឡាករបាល់ទាត់ដ៏ល្បីដែរ។

ចំណែកកូនស្រីរបស់លោក ហុក ឈាងគីម គឺ អ្នកស្រីហុក សុកញ្ញា ជាអតីតកីឡាការិនីវូស៊ូជម្រើសជាតិកម្ពុជា និងធ្លាប់ទទួលបានខ្សែក្រវាត់ខ្មៅផ្នែកកីឡាតេក្វាន់ដូ។ មិនត្រឹមតែប៉ុណ្ណោះកូនស្រីគ្រូចំបាប់រូបនេះជាភរិយារបស់អតីតខ្សែការពារណាហ្គាវើល និងបច្ចុប្បន្នជាខ្សែការពារ Cambodian Tiger គឺ ទៀង ទីនី។

កំណើតនៅថ្ងៃទី២៨ ខែសីហា ឆ្នាំ១៩៤៧ នៅភូមិកំពង់ចាម ស្រុកកំពង់សៀមខេត្តកំពង់ចាមពីឆ្នាំ១៩៨៧ដល់ឆ្នាំ១៩៨៨ លោកទទួលបានវិញ្ញាបនបត្រកីឡាចំបាប់ កីឡាយូដូ និងសាំបូ ពីវិទ្យាស្ថានអប់រំកាយ និងកីឡា នៅទីក្រុងម៉ូស្គូនៃអតីតសហភាពសូវៀត។ លោកបានដឹកនាំក្រុមកីឡាជម្រើសជាតិកម្ពុជាទទួលបានមេដាយជាច្រើនពីព្រឹត្តិការណ៍កីឡាអន្តរជាតិ៕

អត្ថបទ៖ ជាន ចាន់រ៉ា