តារាចម្រៀងល្បីរបស់ថៃ Katreeya English នឹងចូលរួមសម្ដែងក្នុងកម្មវិធីតន្ត្រីបាល់ទះឆ្នេរខ្សាច់អាន់ឆ័រថ្ងៃទី ១៥ មេសា ខាងមុខ

2016-04-10 12:54:31
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងកូនកាត់អង់គ្លេស-ថៃ Katreeya English បានថ្លែងពីក្រុងបាងកកឲ្យប្រិយមិត្តអញ្ជើញចូលរួមទស្សនាការប្រគំតន្ត្រីបាល់ទះឆ្នេរខ្សាច់២០១៦នៅថ្ងៃទី ១៥ មេសា ខាងមុខនៅឆ្នេរអូឈើទាលអារីស្ដុន នៃខេត្តព្រះសីហនុ ដែលជាប្រកួតជុំផ្ដាច់ព្រ័ត្រ។ ម្ចាស់បទ "They Call Us The Royals" វ័យ ៣៩ ឆ្នាំរូបនេះបន្តថានេះជាការប្រគំតន្ត្រីដ៏សប្បាយរីករាយបំផុតមិនធ្លាប់មាន ហើយ បន្ថែមថាកុំភ្លេចនាំមិត្តភ័ក្ដិចូលរួមទស្សនាកម្សាន្តទាំងអស់គ្នា។

. ចំណែកការប្រកួតជម្រុះនៅខេត្តព្រះសីហនុ ថ្ងៃទី ១៣ មេសា ២០១៦ ប្រិយមិត្តនឹងបានជួបតារាចម្រៀង ហេង ពិទូ កែវ វាសនា កញ្ញា បេប៊ី កញ្ញា ចម្រើន សុភ័ក្រ វីរៈ សិដ្ឋ និង សួស វីហ្សា ។ នៅថ្ងៃទី ១៤ មេសា ២០១៦ វិញទស្សនិកជនបឹងបានជួប ខេមរៈ សិរីមន្ត ឆាយ វីរៈយុទ្ធ ហ្សូណូ អី វ៉ា វី ដាណែត និង DJ ក្ដិប ។ នៅថ្ងៃចុងក្រោយ ឬ ជុំផ្ដាច់ព្រ័ត្រ ដែលប្រមូលផ្ដុំដោយក្រុមខ្លាំងៗទាំង ៤ មណ្ឌល ទស្សនិកជននឹងទទួលបានការកម្សាន្តដែលផ្ដល់ភាពរីករាយតាមរយៈ ខេមរៈ សិរីមន្ត ខេម សុខ ស្រីនាង សុខ ពិសី និង ណាំ ប៊ុណ្ណារ័ត្ន រួមនឹងតារាចម្រៀងល្បីរបស់ថៃ Katreeya English។

កុំភ្លេចណា អបអរបុណ្យចូលឆ្នាំថ្មីប្រពៃណីខ្មែរដោយចូលរួមទស្សនា ការប្រគំតន្ត្រីបីរាត្រីពេញដែលមានតារាល្បីៗខាងលើចូលរួមនៅឆ្នេរអូឈើទាល អារីស្តុន ! អត្ថបទទាក់ទងតន្ត្រីបាល់ទះលើឆ្នេរខ្សាច់ឆ្នាំ ២០១៦ សូមចុចត្រង់នេះ...

វីដេអូ Katryaa