ប្រពន្ធ ពៅ ស័ក្តិសីទ្ធ បកស្រាយ ប្ដីមិនបានវ៉ៃខ្លួនទេ
- 2016-04-27 00:03:12
- ចំនួនមតិ 0 | ចំនួនចែករំលែក 0
ប្រពន្ធ ពៅ ស័ក្តិសីទ្ធ បកស្រាយ ប្ដីមិនបានវ៉ៃខ្លួនទេ
ចន្លោះមិនឃើញ
អ្នកនាង សុត សុធារ៉ា ប្រពន្ធរបស់កីឡាករ ពៅ ស័ក្តិសីទ្ធ បានបកស្រាយថា ប្ដីរបស់ខ្លួនមិនបានវ៉ៃនាងដូចអ្វីដែលកាសែតក្នុងស្រុកបានផ្សាយថា «ថ្ងៃស្អែកត្រូវចេញទៅជប៉ុន កីឡាករប្រដាល់ ពៅ សក្តិសិទ្ឋវ៉ៃប្រពន្ធ» កាលពីពេលថ្មីៗនេះឡើយ។
អ្នកស្រី សុត សុធារ៉ា បានឲ្យដឹងថា ខ្លួននិងប្ដីបានរស់នៅជាមួយគ្នាអស់រយៈពេលជាង ៧ឆ្នាំមកហើយ អ្នកនាងមិនធ្លាប់ត្រូវបានប្ដីវ៉ៃម្ដងណាឡើយ។ ការផ្សាយរបស់កាសែតក្នុងស្រុកមួយដែលបានដាក់ចំណងជើងថា « ថ្ងៃស្អែកត្រូវចេញទៅជប៉ុន កីឡាករប្រដាល់ ពៅ សក្តិសិទ្ធ វ៉ៃប្រពន្ធ» មិនមែនជាការពិតនោះទេ។
អ្នកនាងបន្តថា ម្យ៉ាងទៀតខ្លឹមសារ នៃការផ្សាយដែលបានសរសេរថា អ្នកនាងមានសាហាយ ក៏មិនមែនជាការពិតនោះដែរ។ អ្វីគ្រប់យ៉ាងគ្រាន់ជាការយល់ច្រឡំក្នុងគ្រួសាររបស់អ្នកនាងតែប៉ុណ្ណោះ។
ប្រពន្ធកីឡាកររូបនេះបន្ថែមថា រឿងហេតុកើតឡើងមកពីអ្នកនាងទៅទិញសំបុត្រយន្តហោះ ហើយភ្លេចយកលិខិតឆ្លងដែន ( Passport ) ។ បន្ទាប់មកប្ដីរបស់អ្នកនាងបាននិយាយស្ដីឲ្យអ្នកនាងថា «ការងារប៉ុណ្ណាណី ឲ្យភ្លេចទៅកើត» បន្ទាប់មកនាងតបវិញ ក៏កើតជាពាក្យសម្ដីប្រកែកគ្នានៅប្រលានយន្តហោះ។
កីឡាករ ពៅ សក្តិសិទ្ធ បានត្រឡប់ពីប្រទេសជប៉ុនមករៀបការជាមួយអ្នកនាង សុធារ៉ា កាលពីដើមខែមេសា ឆ្នាំ២០១៦ ។ ប៉ុន្តែកីឡាកររូបនេះ បានធ្វើដំណើរទៅប្រទេសជប៉ុនវិញកាលពីថ្ងៃទី២៥ ខែមេសា ឆ្នាំ២០១៦ ម្សិលមិញ៕
អត្ថបទ៖ ស្រី សុវណ្ណដារ៉ា រូបថត៖ ពៅ ស័ក្កសិទ្ធ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
