TH គ្រុប និង​ក្រុមហ៊ុន DMF បាន​សហការ​គ្នា​រៀបចំ​ពិធី​សម្ពោធ​លក់​ផលិតផល​ទឹក​ដោះ​គោ​ស្រស់​ TH true MILK និង​អ្នក​ចែកចាយ​ផ្លូវការ​របស់​TH គ្រុប​នៅ​ភ្នំពេញ កាល​ពី​ថ្ងៃទី​២៥ ខែ​មេសា កន្លង​ទៅ​នេះ ក្រោម​ការ​ចូលរួម​របស់​លោក Hoàng Công Trang អគ្គនាយក​ក្រុមហ៊ុន​ផលិតផល​អាហារ​ TH និង​លោក Bun Rary អគ្គនាយក​ក្រុមហ៊ុន DMF។

នេះ​ជា​ការ​សហការ​គ្នា​រវាង​ពាណិជ្ជកម្ម​ទឹក​ដោះ​គោ​ស្រស់​ប្រកប​ដោយ​អនាម័យ​ខ្ពស់​ឈាន​មុខ​គេ​របស់​វៀតណាម និង​អ្នក​ចែកចាយ​នាំ​មុខ​នៅ​កម្ពុជា​។​

នៅ​វៀតណាម TH គ្រុប កំពុង​ដំណើរការ​គម្រោង “​ចិញ្ចឹមសត្វ​គោ​យក​ទឹកដោះ និង​កែច្នៃ​ទឹក​ដោះ​គោ​តាម​មាត្រដ្ឋាន​បច្ចេកទេស​ឧស្សាហកម្ម​កម្រិត​ខ្ពស់​” ដែល​ផលិត​ចេញ​ជា​ផលិតផល​ទឹក​ដោះ​គោ​ស្រស់ ទឹក​ដោះ​គោ​ជូរ ៣៩ ប្រភេទ ដែល​មាន​ស្លាក​សញ្ញា TH true MILK​។

គម្រោង​នេះ​ត្រូវ​បាន​សម្ពោធ​ដាក់​ឲ្យ​ដំណើរការ​កាល​ពី​ខែ​តុលា​ ឆ្នាំ​២០០៩ ដោយ​មាន​ទឹក​ប្រាក់​ដើម​ទុន​ ១,២ ប៊ី​លាន​ដុល្លារ ហើយ​នឹង​កើន​ឡើង​ចំនួន​សត្វ​គោ​ជិត ២០៣.០០០ ក្បាល​នៅ​ត្រឹម​ឆ្នាំ​២០២០​។ គម្រោង​ដំណើរ​ការ​ស្រប​ទៅ​តាម​សង្វាក់​ផលិតកម្ម​ស្អាត និង​អនាម័យ​ខ្ពស់ “​ពី​វាល​ស្មៅ​ខៀវ​ខ្ចី រហូត​ដល់​កែវ​ទឹក​ដោះ​គោ​បរិសុទ្ធ​” រួម​ទាំង​ការ​រៀបចំ​កសិដ្ឋាន​ រោងចក្រ​ និង​ប្រព័ន្ធ​ចែកចាយ​ផងដែរ​។

គិត​ត្រឹម​ចុង​ឆ្នាំ​២០១៥ គម្រោង​បាន​ជោគជ័យ​ក្នុង​ការ​វិនិយោគ​ជំហាន​ទី​មួយ ដែល​មាន​គោ​សរុប​៤៥.០០០ ក្បាល ដែល​ក្នុង​នោះ​មាន​គោ​ ២២.០០០ ក្បាល​មាន​សមត្ថភាព​ផលិត​ទឹកដោះ​បាន​ខ្ពស់​បំផុត​នៅ​ក្នុង​តំបន់​អាស៊ីអាគ្នេយ៍ ​ដោយ​គោ​មួយ​ក្បាល​អាច​ផលិត​ទឹក​ដោះ​បាន ៣០ លីត្រ​ក្នុង​មួយថ្ងៃ​។​

កសិដ្ឋាន​ចិញ្ចឹម​គោ TH បាន​អនុវត្ត​កម្មវិធី​ផលិតកម្ម​ដែល​មាន​បច្ចេកវិទ្យា​ខ្ពស់​។ ភាគច្រើន​នៃ​ដំណាក់​កាល​នេះ​ គឺ​ដើរ​ដោយ​ស្វ័យប្រវត្តិ និង​ប្រកប​ដោយ​វិជ្ជាជីវៈ​ខ្ពស់ ប្រមូលផ្តុំ​នៃ​បច្ចេកវិទ្យា​ចម្រោះ​ទឹក​ស្អាត បណ្តុះ​វត្ថុ​ធាតុ​ដើម និង​ការ​លាយ​ចំណី​ដែល​មាន​កម្រិត​បច្ចេកទេស​ខ្ពស់​បំផុត​របស់​ពិភពលោក​។

នីតិវិធី​ផលិត​របស់ TH ត្រូវ​បាន​ពិគ្រោះ​ជាមួយ​ក្រុមហ៊ុន​អ៊ីស្រាអែល Afikim ក្នុង​នោះ​មាន មណ្ឌល​ថែទាំ​ការ​គ្រប់គ្រង​គោ​ គឺ​ត្រូវ​បាន​អនុវត្ត​ដោយ​ផ្ទាល់​ដោយ​ក្រុមហ៊ុន Afikim (​គ្រប់គ្រង​ហ្វូងគោ​) និង​ក្រុមហ៊ុន Totally Vets របស់​ប្រទេស​ញូវហ្សឺឡែន​ (​គ្រប់គ្រង​ផ្នែក​ពេទ្យ​សត្វ​)​។

ខែ​កុម្ភៈ ឆ្នាំ​២០១៥ កសិដ្ឋាន​ចិញ្ចឹម​គោ TH បាន​បង្កើត​កំណត់ត្រា “​កសិដ្ឋាន​ចិញ្ចឹម​គោ​ទឹកដោះ​រួម​ដែល​មាន​បច្ចេកវិទ្យា​ខ្ពស់​ខ្នាត​ធំ​ជាង​គេ​នៅ​តំបន់​អាស៊ី​” ដែល​ទទួល​ស្គាល់​ដោយ​អង្គការ​កំណត់​ត្រា​អាស៊ី​។​

រោងចក្រ​កែច្នៃ​ទឹក​ដោះ​គោ​ស្រស់​បរិសុទ្ធ TH បាន​ដាក់​ដំណើរការ​ជា​ផ្លូវការ​នូវ​ខ្សែ​សង្វាក់​ផលិតកម្ម​ជំហាន​ទី​១ ដែល​មាន​សមត្ថភាព​ផលិត​ ២​សែន​តោន​ក្នុង​មួយឆ្នាំ​។ អត្រា​ព្យាករណ៍​សរុប​នៃ​ការ​ផលិត​នឹង​កើន​ឡើង​ដល់​ ៥​សែន​តោន​ក្នុង​មួយ​ឆ្នាំ​នា​ឆ្នាំ​២០១៧​។ រាល់​ខ្សែ​សង្វាក់​នៃ​ការ​កែច្នៃ និង​វេច​ខ្ចប់​ត្រូវ​បាន​គ្រប់គ្រង​ដោយ​បច្ចេកទេស​មាត្រា​សាស្ត្រ និង​ប្រព័ន្ធ​បញ្ជា​ទំនើប​បំផុត​លើ​ពិភពលោក​នា​ពេល​បច្ចុប្បន្ន​៖ Simen, Danfoss, Grundfoss ។

រោងចក្រ​ដំណើរ​ការ​ គឺ​ជា​ជំហាន​មួយ​ដ៏​សំខាន់​ក្នុង​ការ​ជួយ​ជំរុញ​ការ​អភិវឌ្ឍ​ផ្នែក​កសិកម្ម​ចិញ្ចឹម​គោ​យក​ទឹក​ដោះ និង​កែច្នៃ​ទឹក​ដោះ​គោ បរិសុទ្ធ​ជា​លក្ខណៈ​ទ្រង់ទ្រាយ​ធំ​នៅ​វៀតណាម។

ពេល​ដាក់​លក់​លើ​ទីផ្សារ​វៀតណាម​ភ្លាម ម៉ាក​សញ្ញា​នៃ​ទឹក​ដោះ​គោ​ស្រស់ TH true MILK ត្រូវ​បាន​ទទួល​ស្វាគមន៍​យ៉ាង​កក់ក្តៅ​ពី​សំណាក់​អតិថិជន​។ តាម​លទ្ធផល​ស្រាវជ្រាវ​ទីផ្សារ (​ខែ​កុម្ភៈ ឆ្នាំ​២០១៥) អំពី​សុខភាព​នៃ​ម៉ាក​សញ្ញា TH true MILK របស់ IPSOS-​ មួយ​ក្នុង​ចំណោម​ក្រុមហ៊ុន​នាំ​មុខ​ក្នុង​វិស័យ​នេះ ឃើញ​ថា អ្នក​ប្រើប្រាស់​ ១០០% បាន​ស្គាល់​ផលិតផល។ ៩៣%​ គិត​ថា​ ផលិតផល​សម​ស្រប​នឹង​តម្រូវ​ការ​ខ្លួន។ ៩៦%​ ទទួល​ស្គាល់​ថា​គុណភាព​ផលិតផល ឆ្លើយ​តប​នឹង​តម្រូវការ​របស់​ខ្លួន។ ៣១%​ គិត​ថា​ខ្លួន​មាន​ការ​ផ្សារភ្ជាប់​ជាមួយនឹង​ផលិតផល TH true MILK ជាង​ផលិតផល​នៃ​ម៉ាក​សញ្ញា​ដទៃ​ទៀត​។ គិត​ត្រឹម​ចុង​ឆ្នាំ​២០១៥ ​ផលិតផល TH true MILK បាន​ឆក់​យក​ជិត ៥០% នៃ​ទីផ្សារ​ទឹក​ដោះ​គោ​ស្រស់​គ្មាន​មេរោគ​របស់​វៀតណាម​។

រហូត​មក​ដល់​ពេល​នេះ TH គ្រុប ត្រូវ​បាន​បោះត្រា​ថា​ជា​អង្គភាព​ឈាន​មុខ​ក្នុង​វិស័យ​ទឹក​ដោះ​គោ​ស្រស់​បរិសុទ្ធ​នៅ​វៀតណាម និង​ជា​អ្នក​ផ្គត់ផ្គង់​ទឹកដោះគោ​ស្រស់​ឈាន​មុខ​គេ​នា​ពេល​បច្ចុប្បន្ន​។ ផលិតផល​ទឹក​ដោះ​គោ​ស្រស់​បរិសុទ្ធ​របស់ TH គ្រុប ទទួល​បាន​ពាន​រង្វាន់​គ្រឿង​បរិភោគ​ល្អ​បំផុត​ប្រចាំ​តំបន់​អាស៊ាន (២០១៥) មេដាយ​មាស ប្រាក់ សំរឹទ្ធ ​នៅ​រុស្ស៊ី​ចំនួន ៧​ ពាន​រង្វាន់ “​ស្នាដៃ​ឆ្នើម​” ពានរង្វាន់​សម្រាប់​ផលិតផល​ថ្មី​នៅ​ក្នុង​ពិព័រណ៍​ផលិតផល​អាហារ​អន្តរជាតិ Gulfood Dubai 2016​។​

បញ្ជី​ផលិតផល​ដែល TH គ្រុប ចែក​ចាយ​មុនគេ​នៅ​កម្ពុជា​ មាន ផលិតផល​ទឹក​ដោះ​គោ​ស្រស់​គ្មាន​មេរោគ TH true MILK ទឹក​ដោះ​គោ​ជូរ​គ្មាន​មេរោគ TH true YOGURT និង​ទឹក​ដោះ​គោ​រូបមន្ត TOP KID​។

លោក Hoàng Công Trang និង​លោក Bun Rary ​បាន​ឯកភាព​ផែនការ​វិនិយោគ​ចែកចាយ​ផលិត​ផល TH true MILK នៅ​កម្ពុជា​ លើ​ការ​បើក​ការិយាល័យ​តំណាង​នៅ​ភ្នំពេញ ការ​បើក​ផ្សារ​ទំនើប TH true mart សម្រាប់​គាំទ្រ​ការ​ផ្សព្វផ្សាយ និង​តាំង​បង្ហាញ​ផលិតផល-ល-។ សកម្មភាព​ចែកចាយ អភិវឌ្ឍ​ទីផ្សារ​នៅ​កម្ពុជា អាច​បង្កើត​ឲ្យ​មាន​ការ​ងារ​សម្រាប់​មនុស្ស​រាប់​ពាន់​នាក់​នៅ​ក្នុង​វិស័យ​លក់​រាយ អភិវឌ្ឍ​ម៉ាក​សញ្ញា​។

ផលិត​ផល TH true MILK ចែក​ចាយ​នៅ​កម្ពុជា​តាម​រយៈ​ក្រុមហ៊ុន DMF នឹង​ត្រូវ​បាន​អនុវត្ត​តាម​ផ្លូវ​ច្បាប់ ធានា​គោលនយោបាយ​សេវា​អថិតិជន​ល្អ​បំផុត​សម្រាប់​អ្នក​ប្រើប្រាស់​។​

វៀតណាម​ស្ថិត​នៅ​ក្នុង​ចំណោម​ដៃគូ​ពាណិជ្ជកម្ម​ចម្បង​របស់​កម្ពុជា​។ តម្លៃ​ពាណិជ្ជកម្ម​ទ្វេ​ភាគី​សរុប​រវាង​កម្ពុជា និង​វៀតណាម​រយៈពេល​៣​ឆ្នាំ​កន្លង​ទៅ (២០១២-២០១៤) មាន​តម្លៃ​មធ្យម​ជិត ៣,៤ ប៊ី​លាន​ដុល្លារ​ក្នុង​មួយឆ្នាំ​។ វៀតណាម និង​កម្ពុជា​បាន​កំណត់​ទិសដៅ​ប្រាក់​ចំណូល​ពាណិជ្ជកម្ម​ទ្វេ​ភាគី​ឲ្យ​បាន ៥ ប៊ី​លាន​ដុល្លារ​ក្នុង​មួយឆ្នាំ ហើយ​សកម្មភាព​របស់ TH គ្រុប គឺ​កំពុង​ចូលរួម​យ៉ាង​សកម្ម​នៅ​ក្នុង​ដំណើរការ​នេះ៕

អត្ថបទ៖ ពាណិជ្ជកម្ម​