គន្លឹះបង្រៀនកូនឲ្យចេះគិត

2016-05-27 21:30:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ឪពុកម្តាយតែងចង់ឲ្យកូនចេះគិតពិចារណា ស្គាល់ខុសស្គាល់ត្រូវ និងចេះសាងអំពើល្អ។ ខាងក្រោមនេះជាគន្លឹះមួយចំនួនដែលមាតាបិតាគ្រប់រូបអាចអនុវត្តបាន៖

១. សរសើរ និងឲ្យតម្លៃ ពេលកូនចេះជួយការងារ ទោះបីការងារតូចតាចក្តី៖ ធ្វើបែបនេះ ដើម្បីឲ្យពួកគេដឹងថា ការចេះជួយយកអាសា នឹងត្រូវគេឲ្យតម្លៃ។

២. អប់រំកូនកុំឲ្យមានគំនិតឈ្នានីស និងអាត្មានិយម៖ ការចេះចែករំលែកជារឿងសំខាន់ដែលឪពុកម្តាយគួរបង្រៀនដល់កូន។

៣. ព្យាយាមបង្រៀនកូនដោយការលើកទឹកចិត្ត មិនមែនដោយដាក់សម្ពាធនោះទេ៖ នេះជាគន្លឹះដ៏ឆ្លាតវៃបំផុតដើម្បីឲ្យកូនទទួលយកមេរៀនជីវិតបានដោយភាពរីករាយ។

៤. លើកទឹកចិត្តពេលកូនសម្រេចអ្វីមួយដោយការពិចារណា៖ មានន័យថាអ្នកចង់ឲ្យពួកគេចេះគិតគ្រប់ជ្រុងជ្រោយ ហើយវានឹងក្លាយជាទម្លាប់របស់គេទៅថ្ងៃអនាគត។

៥. បណ្តុះគំនិតចេះទទួលខុសត្រូវនូវសកម្មភាពដែលបានធ្វើ៖ ការនេះធ្វើឲ្យកូនមានទំនួលខុសត្រូវ មិនគេចវេះពីបញ្ហា។ យ៉ាងណាក៏ដោយ ឪពុកម្តាយគួរនៅក្បែរចាំផ្តល់ដំបូន្មានផងដែរ។

៦. បណ្តុះទម្លាប់អានសៀវភៅអំពីការចេះជួយយកអាសា និងការសាងអំពើល្អក្នុងសង្គម៖ វាជាមេរៀនដ៏មានតម្លៃសម្រាប់កូនអ្នក។