នាំកូនចូលរួមកិច្ចការសង្គមពីក្មេង គេអាចក្លាយជាបុគ្គលជោគជ័យ
- 2016-05-31 19:03:29
- ចំនួនមតិ 0 | ចំនួនចែករំលែក 0
នាំកូនចូលរួមកិច្ចការសង្គមពីក្មេង គេអាចក្លាយជាបុគ្គលជោគជ័យ
ចន្លោះមិនឃើញ
«បើឪពុកម្តាយអាចនាំកូនៗចូលរួមធ្វើកិច្ចការសង្គមតាំងពីវ័យក្មេង ពួកគេនឹងអាចក្លាយជាបុគ្គលជោគជ័យនៅថ្ងៃអនាគត» ។ នេះជាការលើកឡើងរបស់លោក ប៉ិច ប៉ូឡែន ប្រធាននាយកប្រតិបត្តិ នៃសាលាវេសឡាញ ។
កុមារនឹងមើលឃើញទិដ្ឋភាពសង្គមមួយផ្សេងគ្នាពីសង្គមដែលគេកំពុងរស់នៅ ដែលនេះជាឱកាសរៀនសូត្រ ធ្វើឲ្យគេកាន់តែចេះគិត ចេះចែករំលែក ហើយរឹងមាំនៅពេលក្រោយ។
(លោកប៉ិច ប៉ូឡែន ប្រធាននាយកប្រតិបត្តិ នៃសាលាវេសឡាញ)
ស្របនឹងទិវាកុមារអន្តរជាតិខិតជិតមកដល់ លោកថានេះជាឱកាសល្អសម្រាប់ឪពុកម្តាយក្នុងការនាំកូនៗធ្វើកិច្ចការសង្គម ។ មានកិច្ចការសង្គមជាច្រើនដែលកុមារអាចចូលរួមធ្វើបានដូចជាការចូលរួមដាំដើមឈើ សម្រួលចរាចរណ៍ បរិច្ចាគអាហារ សម្ភារៈសិក្សា សម្លៀកបំពាក់ ដែលគេធ្លាប់ប្រើទៅឲ្យកុមារកំព្រា ។ ប្រសិនបើឪពុកម្តាយមានលទ្ធភាព អាចទិញរបស់ថ្មីក៏បាន ដោយពន្យល់ប្រាប់កូនៗថា «មានកុមារដែលមានអាយុប្រហែលកូនកំពុងរស់នៅក្នុងភាពខ្វះខាត ក្រលំបាក ហើយកូនអាចចូលរួមធ្វើឲ្យស្ថានភាពកុមារទាំងនោះល្អប្រសើរបាន»។
ក្មេងៗអាចនឹងមិនចាប់អារម្មណ៍ ឬ ចង់ចូលរួមធ្វើកិច្ចការសង្គមនេះភ្លាមៗឡើយ ដូច្នេះមាតាបិតាត្រូវបណ្តុះគំនិត និងជំរុញលើកទឹកចិត្តដល់កូនៗ ។ ម្យ៉ាងវិញទៀតត្រូវចំណាយពេលនៅជាមួយគេឲ្យបានច្រើន ពន្យល់គេឲ្យយល់ និងបង្ហាញគេបានឃើញរាល់ពេលធ្វើដំណើរតាមផ្លូវ ដោយការទាញទិដ្ឋភាពសង្គមជុំវិញខ្លួនគេមកពិភាក្សា និងជំរុញគេឲ្យខិតខំរៀន ។ លោកប៉ូឡែន បញ្ជាក់បន្ថែម៕
អត្ថបទៈ លីដា