ផ្តល់ឱកាសឲ្យកុមារបញ្ចេញយោបល់ ធ្វើឲ្យគេក្លាហាន
- 2016-06-02 00:13:35
- ចំនួនមតិ 0 | ចំនួនចែករំលែក 0
ផ្តល់ឱកាសឲ្យកុមារបញ្ចេញយោបល់ ធ្វើឲ្យគេក្លាហាន
ចន្លោះមិនឃើញ
"ការផ្ដល់ឱកាសឲ្យកូនរបស់អ្នកបញ្ចេញយោបល់ គឺជាកត្តាចិត្តសាស្ត្រដ៏សំខាន់បំផុតក្នុងការបណ្តុះភាពក្លាហាន និងជំនឿចិត្តដល់កូនតាំងពីគេនៅវ័យក្មេង»។ នេះបើតាមការលើកឡើងរបស់លោក ផុន សុផល មន្ត្រីនៃសម្ព័ន្ធអង្គការមិនមែនរដ្ឋាភិបាលដើម្បីសិទ្ធិកុមារ។
លោកបន្តថា កុមារនឹងត្រូវបានលើកទឹកចិត្តឲ្យចូលរួមយោបល់កាន់តែច្រើន បើសិនជាសំឡេងរបស់គេត្រូវបានអ្នកជុំវិញខ្លួនយកចិត្តទុកដាក់ និងផ្ដល់តម្លៃ។ «ឪពុកម្តាយគួរចាប់ផ្ដើមសួរពីការគិត និងដោះដូរយោបល់ជាមួយកូនពីបរិយាកាសសង្គមជុំវិញ ឬបញ្ហាផ្សេងៗដែលអ្នកចង់ឲ្យកូនរៀនស្វែងយល់ ដូចជា សួរគេថាតើគួរធ្វើអ្វីក្នុងថ្ងៃទិវាកុមារអន្តរជាតិ? តើកូនចង់ទៅលេងណា? ឬចង់បានអ្វី?» ។
រូបតំណាង
ការអនុវត្តបែបនេះជារឿយៗ ធ្វើឲ្យកុមារកាន់តែចេះគិត និងពង្រឹងភាពស្និទ្ធស្នាលក្នុងក្រុមគ្រួសារមួយកម្រិតទៀត។ «ថ្ងៃក្រោយទៅពេលជួបបញ្ហាអ្វីមួយ គេនឹងហ៊ានពិភាក្សាជាមួយឪពុកម្តាយ ដែលនេះធ្វើឲ្យសមាជិកក្នុងគ្រួសារកាន់តែយល់ចិត្តគ្នា និងទទួលបានសុភមង្គល»។
លោក ផុន សុផល មន្ត្រីនៃសម្ព័ន្ធអង្គការមិនមែនរដ្ឋាភិបាលដើម្បីសិទ្ធិកុមារ
បើយោងតាមវិបសាយ naturalchild.org មាន ៣ ចំណុចដែលឱពុកម្តាយត្រូវចងចាំ និងអនុវត្តជាមួយកូនៗ ដើម្បីជំរុញឲ្យកូនចង់បញ្ចេញការយល់ឃើញរបស់គេដូចជា៖
ចាត់ទុកគំនិតយោបល់របស់កូនៗ មានប្រយោជន៍ និងសំខាន់ដូចរបស់ខ្លួនដែរ
ត្រូវគិតថាអ្នកអាចរៀនអ្វីជាច្រើនពីយោបល់របស់គេ ដូចដែលគេអាចរៀនពីយើងបាន
ផ្សារភ្ជាប់ពិភពរបស់អ្នកជាមួយពិភពរបស់កូនៗ តាមរយៈសកម្មភាព ការលេង និងការពិភាក្សា តែក្នុងកម្រិតមួយដែលសមរម្យ ជៀសវាងការសួរនាំគេច្រើនពេកធ្វើឲ្យគេទទួលអារម្មណ៍ថាធុញទ្រាន់។
តើអ្នកធ្លាប់អនុវត្តវិធីទាំងអស់នេះជាមួយកូនតូចៗរបស់អ្នកហើយឬនៅ? បើមិនទាន់ទេ សូមចាប់ផ្ដើមទាំងអស់គ្នា ហើយចែករំលែកពីប្រសិទ្ធភាពផងណា៎!
អត្ថបទ៖ លីដា