EOS M10 ប្ដូរកែវឡែនបានជាង ៧០ ប្រភេទ ថតវីដេអូគ្មានបារម្ភពីសម្លេងរំខាន

2016-06-14 18:33:45
ចំនួនមតិ 0 | ចំនួនចែករំលែក 0

ចន្លោះមិនឃើញ

M10 បានបំពាក់បច្ចេកវិទ្យា Digic 6 ដែលជាបចេ្ចកវិទ្យាថ្មីអាចអនុញ្ញាតិ្តឱ្យប្រិយមិត្តថតរូបបានច្បាស់ល្អ ចាប់យករូបភាពបានលឿន និងអាចជួយកាត់បន្ថយកម្រិតសម្លេងរំខានពីខាងក្រៅសម្រាប់ការថតឈុតវីដេអូផ្សេងៗ។

លោក ម៉េង សួ ដែលជាតំណាងផ្នែកលក់ប្រចាំនៅក្រុមហ៊ុន i-Qlick បានប្រាប់ឱ្យដឹងថា ម៉ូឌែលM10 នេះដាក់លក់ក្នុងតម្លៃ ៤៤៩ ដុល្លារ (តួខ្លួនប៉ុណ្ណោះ) អាចប្រើក្បាលតឡែន EF-EOS M ដែលមានជាង ៧០ប្រភេទនិងមានមុខងារពិសេសៗជាច្រើនទៀតដូចជា៖

- មុខងារថតរូបខ្លួនឯង៖ មុខងារនេះ អនុញ្ញាត្តិឱ្យប្រិយមិត្តអាចបត់អេក្រង់របស់ M10 ឡើងលើដើម្បីអាចថតរូប Selfie បានយ៉ាងងាយស្រួល។

- មុខងារផ្ទេរូបភាពទៅទូរសព្ទដៃ (NFC)៖ ប្រិយមិត្តអាចចែករំលែករូបថតនិងវិដេអូពីកាមេរ៉ាទៅស្មាតហ្វូនជាមួយប្រព័ន្ធភ្ជាប់ NFC យ៉ាងងាយស្រួល។

- មុខងារបញ្ជាថតរូបពីចម្ងាយ(Remote Shooting)៖ មុខងារនេះប្រិយមិត្តត្រូវមានកម្មវិធី Canon Camera Connect ដែលផ្ដល់ភាពងាយស្រួលក្នុងការថតរូបជាក្រុម ឬម្នាក់ឯង។

- មុខងារជំនួយក្នុងការកែរូប (Creative Assist)៖ មុខងារនេះ អនុញ្ញាត្តិឱ្យប្រិយមិត្តអាចបន្ថែមពន្លឺរូបភាព កែប្រែពណ៍ស្បែកឱ្យមានសភាពម៉ត់ និងកំណត់ផ្ទៃខាងក្រោមព្រិល(Blur)។

- មុខងារកំណត់ប្លង់ស្វ័យប្រវត្តិ (Scence Intelligent Auto)៖ ឬមុខងារ Scence Shooting បានផ្ដល់ភាពងាយស្រួលពេលចាប់យកប្លង់ណាមួយដូចជា រូបម្ហូបអាហារ ប្លង់ថតពេលយប់ជាដើម។