ឃឹម បូរី ដឹកនាំក្រុម World Cup FC លើកពានមួយម្សិលមិញ
- 2016-06-27 13:42:39
- ចំនួនមតិ 0 | ចំនួនចែករំលែក 0
ឃឹម បូរី ដឹកនាំក្រុម World Cup FC លើកពានមួយម្សិលមិញ
ចន្លោះមិនឃើញ
កីឡាករ ឃឹម បូរី បានដឹកនាំក្រុមបាល់ទាត់មិនអាជីពមួយមានឈ្មោះថា World Cup FC ឱ្យលើកពានរង្វាន់មួយហើយកាលពីម្សិលមិញនេះ ដោយពានរង្វាន់នោះមានឈ្មោះថា World Cup Soccer League មានក្រុមចូលរួមចំនួន៩ក្រុម។
ខ្សែប្រយុទ្ធរបស់ក្លឹបណាហ្គាវើលខាងលើទើបតែចូលដឹកនាំក្រុម World Cup FC បានប៉ុន្មានខែនេះទេ ដោយលោកបានបង្ហាញចំណាប់អារម្មណ៍ថាកីឡាករក្មេងៗបច្ចុប្បន្នមានសមត្ថភាពខ្លាំង មិនពិបាកក្នុងការណែនាំនោះទេ។ បូរី បានបញ្ជាក់ទៀតថាលោកដឹកនាំក្រុមមួយនេះ ដោយគ្រាន់តែប្រាប់បច្ចេកទេសលេងតិចតួចប៉ុណ្ណោះ ប៉ុន្តែកីឡាករសុទ្ធតែអាចដឹង និងងាយយល់ពីអ្វីដែលលោកបានប្រាប់។
“ខ្ញុំដឹកនាំក្រុមមិនអាជីពនេះ គឺមានគោលបំណងទៅថ្ងៃអនាគតចង់ក្លាយជាគ្រូបង្វឹកម្នាក់។ អីចឹងហើយ ខ្ញុំត្រូវហាត់ពីក្លឹបតូចទៅសិន ទើបអាចចាប់យកឱកាសដើម្បីស្វែងយល់ពីរបៀបដឹកនាំឱ្យកាន់តែច្រើន។ អនាគតទៅ ខ្ញុំចង់ក្លាយជាគ្រូបង្វឹកក្លឹបនៅលីគកំពូលកម្ពុជាយើង”។ សម្ដីអ្នកអតីតខ្សែប្រយុទ្ធរបស់ក្រុម ភ្នំពេញក្រោន។
ងាកមកខាងពានរង្វាន់ World Cup Soccer League វិញ ក្រុម World Cup FC ដែលជាម្ចាស់ផ្ទះរៀបចំការប្រកួតបានក្លាយជាជើងឯកដោយយកឈ្នះក្រុម Yorktrey Svaypak ដោយលទ្ធផ ៦-៤ នៅវគ្គផ្ដាច់ព្រ័ត្រ។ ជ័យលាភីលេខមួយនេះ នឹងទទួលបានប្រាក់រង្វាន់លើកទឹកចិត្តចំនួន៥០០ដុល្លារ ខណៈដែលលេខ២ Yorktrey Svaypaទទួលបាន ២៥០ដុល្លារ និងលេខ៣ ក្រុម Premium FC ទទួលបាន១៥០ដុល្លារ៕
អត្ថបទ៖ មុន្នី រម្យ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
