ដឹងអត់ថា មនុស្សវ័យកណ្ដាលត្រូវការប្រូតេអ៊ីនជាចាំបាច់?
- 2016-06-30 16:15:30
- ចំនួនមតិ 0 | ចំនួនចែករំលែក 0
ដឹងអត់ថា មនុស្សវ័យកណ្ដាលត្រូវការប្រូតេអ៊ីនជាចាំបាច់?
ចន្លោះមិនឃើញ
អ្នកដឹងទេថា មនុស្សវ័យចំណាស់អាចត្រូវការសារជាតិប្រូតេអ៊ីនច្រើនជាងក្មេងៗ ដើម្បីជួយទ្រទ្រង់ដល់សុខភាពសាច់ដុំ?
មនុស្សត្រូវការបរិមាណប្រូតេអ៊ីនគ្រប់គ្រាន់នៅក្នុងរបបអាហារប្រចាំថ្ងៃ ដើម្បីជួយទ្រទ្រង់រាងកាយឲ្យមានសុខភាពល្អ។ តាមការស្រាវជ្រាវមុនៗថា នៅពេលយើងឈានដល់វ័យកណ្តាល នោះប្រូតេអ៊ីនដែលទទួលទានបាននៅក្នុងរបបអាហារ នឹងនៅសល់តិច ឬច្រើន ដើម្បីរក្សានិរន្តរភាពនៃជីវិតរបស់យើង ប៉ុន្តែភស្តុតាងថ្មីៗនេះបានបង្ហាញថា នៅពេលយើងឈានទៅដល់វ័យកណ្តាល ឬវ័យចាស់នោះ រាងកាយនឹងត្រូវការប្រូតេអ៊ីនកាន់តែច្រើនឡើងៗជាងក្មេងៗ ដើម្បីជួយទ្រទ្រង់ដល់សុខភាពរាងកាយ និងជួយបង្កើតម៉ាសសាច់ដុំ។
ការរក្សាម៉ាសសាច់ដុំ មានសារៈសំខាន់ណាស់សម្រាប់ដំណើរការមុខងារប្រចាំថ្ងៃ ហើយលំហាត់ប្រាណដែលអ្នកបានធ្វើដើម្បីជួយបង្កើត និងទ្រទ្រង់សាច់ដុំនោះ ក៏ផ្តល់នូវផលប្រយោជន៍ជាច្រើន ដូចជា ធ្វើឲ្យអារម្មណ៍ធូរស្រាល គេងលក់ស្កប់ស្កល់ និងជួយកម្ចាត់ស្ត្រែសបានយ៉ាងមានប្រសិទ្ធភាពផងដែរ។ ប៉ុន្តែការហាត់ប្រាណតែមួយមុខ នៅមិនទាន់គ្រប់គ្រាន់ទេ ព្រោះរាងកាយអាចជួសជុល និងបង្កើតសាច់ដុំបាន នៅពេលដែលយើងមានរបាំងដ៏ត្រឹមត្រូវពីអាមីណូអាស៊ីតដែលមាននៅក្នុងប្រតេអ៊ីនដែលទទួលបានពីអាហារដែលយើងបរិភោគប្រចាំថ្ងៃ។
ចាប់ពីអាយុ ៥០ ឆ្នាំទៅ មនុស្សភាគច្រើនចាប់ផ្ដើមបាត់បង់ម៉ាសសាច់ដុំ ដែលជាមធ្យមប្រហែល ០,៥% - ២% ក្នុងមួយឆ្នាំ។ មូលហេតុមួយក្នុងចំណោមមូលហេតុផ្សេងៗទៀតដែលធ្វើឲ្យមនុស្សវ័យចំណាស់បាត់បង់សាច់ដុំនោះ គឺដោយសារពួកគាត់មិនសូវបានធ្វើលំហាត់ប្រាណដូចកាលនៅពីក្មេង ដូច្នេះទើបធ្វើឲ្យសាច់ដុំបាត់បង់ ដោយសារតែការប្រើប្រាស់សាច់ដុំតិចតូច នោះចលនាក្នុងការបង្កើតសាច់ដុំឡើងវិញ ក៏យឺតទៅតាមអាយុរបស់យើងដែរ។
ប៉ុន្តែ យើងអាចការពារបានតាមរយៈការធ្វើលំហាត់ប្រាណ បូករួមនឹងការទទួលទានប្រូតេអ៊ីនឲ្យបានគ្រប់គ្រាន់នៅក្នុងរបបអាហារ នោះនឹងជួយកាត់បន្ថយការបាត់បង់នេះបាន។ អ្នកវិទ្យាសាស្ត្រអាចសិក្សាពីសមត្ថភាពនៃរាងកាយក្នុងការបង្កើតសាច់ដុំតាមរយៈរបបអាហារ និងលំហាត់ប្រាណដែលគេហៅកាត់ថា MPS (ការសំយោគប្រូតេអ៊ីនសាច់ដុំ)។ MPS គឺជាដំណើរការមួយដែលរាងកាយប្រើប្រាស់ប្រូតេអ៊ីនដែលយើងទទួលបានពីអាហារ ទៅបង្កើតជាប្រូតេអ៊ីនសាច់ដុំនៅក្នុងរាងកាយ។ បរិមាណប្រូតេអ៊ីននេះនឹងមានភាពខុសគ្នា អាស្រ័យលើទម្ងន់ សមាសភាពផ្សំ ទំហំរូបរាង និងកត្តាអាយុផងដែរ។ ដូចនេះមនុស្សវ័យចំណាស់នឹងត្រូវការបរិមាណប្រូតេអ៊ីនច្រើនជាងក្មេងៗដើម្បីទទួលបាន MPS ក្នុងកម្រិតអតិបរិមា។
ថ្មីៗនេះការសិក្សាមួយដែលបានចេញផ្សាយនៅក្នុងព្រឹត្តិបត្រព័ត៌មានអាមេរិកបានឲ្យដឹងថា មនុស្សមួយក្រុមដែលមានអាយុចាប់ពី ២០ ឆ្នាំ ដល់ ៥២ ឆ្នាំ និង ៧៥ ឆ្នាំ ទទួលទានរបបអាហារដែលមានប្រូតេអ៊ីន (០,៨ ក្រាមក្នុង ១ គីឡូក្រាមនៃទម្ងន់រាងកាយ) ឬ ២ ដងនៃបរិមាណនោះក្នុងរយៈពេល ៤ ថ្ងៃ លទ្ធផលបង្ហាញយ៉ាងច្បាស់ថា អ្នកដែលទទួលទានប្រូតេអ៊ីនក្នុងបរិមាណខ្ពស់ បានបង្កើនសំយោគប្រូតេអ៊ីនសាច់ដុំរបស់ពួកគេ ឬន័យមួយទៀត គឺរាងកាយរបស់ពួកគេបានបង្កើតសាច់ដុំ។ ទម្រង់នៃការទទួលទានរបស់មនុស្សភាគច្រើន គឺទទួលទានអាហារពេលព្រឹក និងថ្ងៃត្រង់តិច និងអាហារពេលយប់ច្រើន។ ប៉ុន្តែ បរិមាណដែលត្រឹមត្រូវនោះ គឺត្រូវទទួលទានប្រូតេអ៊ីនយ៉ាងហោចណាស់ ៣០ ក្រាមសម្រាប់អាហារមួយពេល។
ទោះជាមនុស្សដែលមានវ័យចំណាស់ធ្វើលំហាត់ប្រាណទៀងទាត់យ៉ាងណាក៏ដោយ តែទទួលទានប្រូតេអ៊ីនមិនបានគ្រប់គ្រាន់នោះ ក៏លទ្ធភាពក្នុងការបង្កើត និងរក្សាម៉ាសសាច់ដុំក៏ថយទៅតាមនឹងដែរ។ នៅពេលអាយុកាន់តែកើន កាឡូរីក៏កាន់តែថយចុះ ដោយសារកត្តារួមផ្សំដែលបណ្តាលមកពីអត្រាមេតាបូលីស និងចលនារាងកាយចុះខ្សោយ។ ដើម្បីចៀសវាងឡើងទម្ងន់ ពួកគេតែងបរិភោគអាហារតិចតួច ហើយមិនបានជ្រើសរើសអាហារឲ្យបានត្រឹមត្រូវនោះទេ ដែលប្រការនេះហើយធ្វើឲ្យកាឡូរីរាងកាយធ្លាក់ចុះ ហើយបរិមាណប្រូតេអ៊ីនក៏ធ្លាក់ចុះទៅតាមនឹងដែរ។ ក្នុងចំណោមប្រភពកាឡូរីខ្ពស់ទាំង ១០ សម្រាប់អ្នកដែលមានវ័យចាប់ពី ៧០ ឆ្នាំឡើងទៅ មានដូចជា នំប៉័ង នំខេក ឃុកឃី ដំឡូង ការ៉េម និងភេសជ្ជៈ ដែលរួមគ្នា ចំណីទាំងនេះគឺប្រហែលជា ២០% នៃចំនួនកាឡូរីសរុបដែលបានទទួលទាន៕
អត្ថបទ៖ Herbalife
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
