សុវណ្ណ គិរី បង្ហើរសំនៀងបានបន្តិចធ្លាក់ពីលើឆាកខ្ពៀក
- 2016-07-15 20:58:07
- ចំនួនមតិ 0 | ចំនួនចែករំលែក 0
សុវណ្ណ គិរី បង្ហើរសំនៀងបានបន្តិចធ្លាក់ពីលើឆាកខ្ពៀក
ចន្លោះមិនឃើញ
វីដេអូខ្លីមួយ ក្នុងកម្មវិធី The style Cambodia របស់ស្ថានីយទូរទស្សន៍ប៉ុស្តិ៍បាយ័ន លោក សុវណ្ណ គិរី ដែលជាពិធីករក្នុងកម្មវិធីនេះ បានធ្លាក់ពីលើឆាក ខណៈទើបតែបង្ហើរសំនៀងមួយបទចំណងជើងថា "ឱស្នេហ៍មាសបង" បានតែបន្តិចប៉ុណ្ណោះ។
ដំបូងឡើយ ប្រិយមិត្តលើបណ្ដាញសង្គមបានចាប់អារម្មណ៍ លើករណីតារាចម្រៀងម្នាក់ច្រៀងធ្លាក់ពីលើឆាក ប៉ុន្តែមិនដឹងថាជាតារារូបនេះទេ ទើបតែ សុវណ្ណ គីរី លាតត្រដាងប្រាប់ Sabay មុននេះប៉ុណ្ណោះ។ តារាប្រុសពូកែ កំប្លុកកំប្លែងរូបនេះ ថ្លែងថា “អ្នកដែលធ្លាក់លើឆាក គ្មានអ្នកណាទេ គឺបងហ្នឹងហើយ (សើច) ទើបតែច្រៀងបានបន្តិចធ្លាក់ខ្ពៀកហ្មងអូន។ កម្មវីធីគេតម្រូវថា អ្នកណាដែលច្រៀងអត់ពីរោះនឹងត្រូវធ្លាក់ពី លើឆាកចឹងហ្មងអូន ប៉ុន្តែអត់មានប៉ះពាល់ ឬ រងរបួសឡើយអូន"។ គិរី បញ្ជាក់មុននេះ។
អតីតកីឡាករការ៉ាតេដូ រូបនេះបង្ហើបឲ្យដឹងទៀតថា សប្ដាហ៍នេះ ទស្សនិកជន នឹងបានឃើញចំណីអារម្មណ៍ប្លែកមួយទៀតពីកម្មវិធីនាចុងសប្ដាហ៍នេះ។ ឥឡូវតោះ...ទស្សនាវីដេអូនោះទាំងអស់គ្នាមើលល្អសើចទេ...!
អត្ថបទ៖ ថា ម៉ាលីដា