មនុស្សរាប់ម៉ឺននាក់ចូលរួមដង្ហែសព បណ្ឌិត កែម ឡី

2016-07-24 16:09:04
ចំនួនមតិ 0 | ចំនួនចែករំលែក 0

ចន្លោះមិនឃើញ

-មហាជនរាប់ម៉ឺននាក់ដង្ហែសព បណ្ឌិត កែម ឡី -ប្រជាជនឈរតាមដងផ្លូវជូនដំណើរសព បណ្ឌិត កែម ឡី -អ្នកចូលរួមបង្ហាញទឹកមុខក្រៀមក្រំ -កម្លាំងសន្ដិសុខ ចុះការពារក្បួនដង្ហែសព -កម្មវិធីបុណ្យ

មហាជនរាប់ម៉ឺននាក់ បានចូលរួមពិធីដង្ហែសព បណ្ឌិត កែម ឡី ដើម្បីសម្ដែងពីការសោកស្ដាយ និង រំលឹកនូវវីរភាព របស់លោកបណ្ឌិត។ ពិធីដង្ហែ បានចាប់ផ្ដើមពីម៉ោង ៧ ព្រឹក ដើម្បីឆ្ពោះទៅកាន់ស្រុកកំណើតរបស់លោកបណ្ឌិត នាខេត្តតាកែវ។

តាមសេចក្ដីរាយការណ៍ពីក្រុមការងារបានឲ្យដឹងថា គិតត្រឹមរយៈពេល ១ម៉ោង ៣០ នាទី គឺរាប់ពីម៉ោង ៧ព្រឹករហូតដល់ម៉ោង ៨:៣០ នាទី ក្បួនដង្ហែសពបានទៅដល់ស្ពានអាកាសតិចណូ ហើយប្រជាពលរដ្ឋដែលបានចូលរួមកាន់តែច្រើនឡើង និង មានអ្នកសងខាងដងផ្លូវដើម្បីជូនដំណើរចុងក្រោយរបស់លោកបណ្ឌិត កែម ឡី។

តាមសេចក្ដីរាយការណ៍បានឲ្យដឹងទៀតថា នៅចោមចៅ មានប្រជាពលរដ្ឋជាច្រើនកំពុងឈរអមសងខាងនៅតាមដងផ្លូវ ដើម្បីរង់ចាំក្បួនដង្ហែសព ផងដែរ។

ក្រុមអ្នកវិភាគសង្គម ក៏ដូចជា ប្រជាពលរដ្ឋបានប្រាប់ក្រុមការងារ Sabay នៅព្រឹកនេះថា មនុស្សដែលបានចូលរួមច្រើនសន្ធឹកសន្ធាប់ ដើម្បីចូលរួមដង្ហែសពបណ្ឌិតកែម ឡី នេះ អាចចាត់ទុកជាព្រឹត្តិការណ៍ប្រវត្តិសាស្រ្ត ដើម្បីសម្ដែងការសោកស្ដាយផង និង រំលឹកវីរភាពរបស់លោកបណ្ឌិតកែម ឡី។

-អ្នកចូលរួមបង្ហាញទឹកមុខក្រៀមក្រំ

-ប្រជាជនឈរតាមដងផ្លូវជូនដំណើរសព បណ្ឌិត កែម ឡី

-ការរក្សាសណ្ដាប់ធ្នាប់ នៃក្បួនដង្ហែសព បណ្ឌិត កែម ឡី

-កម្មវិធីបុណ្យ

ប្រសិនបើមិនមានការប្រែប្រួលនោះទេ គឺផ្អែកតាមកម្មវិធីបុណ្យ ក្បួនដង្ហែសពបណ្ឌិត កែម ឡី ដែលបានចេញដំណើរតាំងពីម៉ោង ៧ ព្រឹក ដង្ហែចេញចេញពីវត្តពោធិ៍យារាម ហៅវត្តចាស់ក្នុងរាជធានីភ្នំពេញ នឹងទៅដល់ស្រុកកំណើតលោកបណ្ឌិត នៅភូមិអង្គតាកុប ឃុំលាយបូរ ស្រុកត្រាំកក់ ខេត្តតាកែវ នាវេលាម៉ោង ២ រសៀល។ កម្មវិធីដដែលបានបញ្ជាក់ថា នឹងធ្វើពិធីសាសនាបន្ដបន្ទាប់។ ពិធីបញ្ចុះសព នឹងប្រព្រឹត្តិទៅ នៅវេលាម៉ោង ១១:៣០ នាទីព្រឹក ថ្ងៃទី ២៥ ខែកក្កដា ស្អែកនេះ៕