គ្រូ Tiger ថា ឆ្នាំនេះមិនបានកំណត់គោលដៅចង់លើកពានលីគទេ
- 2016-08-02 15:45:44
- ចំនួនមតិ 0 | ចំនួនចែករំលែក 0
គ្រូ Tiger ថា ឆ្នាំនេះមិនបានកំណត់គោលដៅចង់លើកពានលីគទេ
ចន្លោះមិនឃើញ
លោក ហុក សុជីវ័ន្ត គ្រូបង្វឹកក្រុមបាល់ទាត់ Cambodian Tiger បានបង្ហើបពីគោលបំណងរបស់ខ្លួនថា មិនបានកំណត់គោលដៅដើម្បីពានលីគកំពូលកម្ពុជាទេ សម្រាប់រដូវកាលឆ្នាំ២០១៦។
អតីតគ្រូបង្វឹក U-19 កម្ពុជារូបនេះបានឲ្យដឹងថា ឆ្នាំនេះក្រុមរបស់លោកមិនបានកំណត់គោលដៅក្នុងការប្រជែងយកពានលីគកំពូលកម្ពុជា ឬចំណាត់ថ្នាក់លេខ ២ឬលេខ៣នោះទេ។ រដូវកាលនេះធនធានកីឡាកររបស់លោកមិនទាន់គ្រប់គ្រាន់ក្នុងការដណ្ដើមតំណែងល្អណាមួយជាមួយក្រុមដទៃឡើយ។
គ្រូបង្វឹករូបនេះបន្តថា ទោះបីរដូវកាលនេះធនធានកីឡាករមិនទាន់គ្រប់គ្រាន់ក្នុងការប្រជែងយកពានក៏ដោយ ប៉ុន្តែក្រុមរបស់លោក នឹងព្យាយាមស្វែងរកតំណែងណាមួយល្អសមរម្យក្នុងលីគកំពូលកម្ពុជា។ ចំណែករដូវកាលក្រោយវិញក្រុម Tiger នឹងរៀបចំកំណត់គោលដៅឲ្យបានច្បាស់ និងនាំយកកីឡាករល្អៗ ជាងឆ្នាំនេះក្នុងការប្រជែងដណ្ដើមពានលីគកំពូលកម្ពុជា។
ក្រុមបាល់ទាត់ Cambodian Tiger កំពុងស្ថិតនៅចំណាត់ថ្នាក់លេខ ៥ក្នុងលីគកំពូលកម្ពុជា បន្ទាប់ពីរកបាន២០ពិន្ទុក្នុងចំណោម ១៤ប្រកួតឈ្នះ៦ ស្មើ២ និងចាញ់៦លើក៕
អត្ថបទ៖ ស្រី សុវណ្ណដារ៉ា