ឃី សុឃុន បង្ហើបរឿងកើតឡើង ពេលដាក់ពេលប្រឡង The Voice Cambodia 2

2016-08-05 15:41:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ឃី សុឃុន ដែលជាបេក្ខភាព Top4 កម្មវិធី The Voice Cambodia រដូវកាលទី ២ បានទម្លាយរឿងសម្ងាត់ពេលដាក់ពេលប្រឡង ថាលោកសឹងតែបោះបង់ការប្រកួតនោះចោលបាត់ទៅហើយ។

កូនក្រុមដែល ឆន សុវណ្ណរាជ Steal ពី ឱក សុគន្ធកញ្ញា រូបនេះ បានឲ្យដឹងថា មូលហេតុដែលលោកចង់បោះបង់ការប្រកួតនោះមិនមែនមកពីខ្លាចការបរាជ័យឡើយ តែជារឿងហួសចិត្តសម្រាប់លោកទៅវិញ "ពេលខ្ញុំទិញពាក្យបានហ្នឹង គឺជាថ្ងៃចុងក្រោយដែលគេបិទឈប់ទទួលហើយ ដូចនេះមានចិត្តរារែក និងចង់បោះបង់ការយកពាក្យទៅដាក់ប្រកួតទៅ។”

អ្នកស្រុកកំពង់ធំរូបនេះ បានបន្តថា ថ្ងៃដែលលោកទៅទិញ និងដាក់ពាក្យនោះបានជួបរឿងរ៉ាវជាច្រើនសឹងតែសម្រេចចិត្តបោះបង់ម្ដងម្កាល ដោយឧបសគ្គត្រូវជិះកាត់ភ្លៀងខ្លាំង។ "ថ្ងៃនោះអាចថាស៊យផងក៏ថាបាន ព្រោះត្រូវជិះកាត់ភ្លៀងទទឹកពាក្យប្រឡងហើយ ត្រូវប៉ូលិសផាកពិន័យទៀត”។

ទោះជាយ៉ាងណាក៏កំលោះ ២៣ ឆ្នាំនោះមិនបានបោះបង់ចោលឱកាសមាស និងជាសេចក្ដីប្រាថ្នារបស់ខ្លួនឡើយ ដោយខំពុះពាររហូតបានជាប់ក្នុងចំណាត់ថ្នាក់ Top 4 The Voice Cambodia 2016 រដូវកាលទី២៕

អត្ថបទ៖ទ្រី រ៉ាវី រូបភាព៖Facebook