ហុង ផេង នឹងអាចត្រូវព្យាបាលរបួសសរសៃពួររហូត ៣ខែ
- 2016-08-08 19:42:27
- ចំនួនមតិ 0 | ចំនួនចែករំលែក 0
ហុង ផេង នឹងអាចត្រូវព្យាបាលរបួសសរសៃពួររហូត ៣ខែ
ចន្លោះមិនឃើញ
ខ្សែការពារកណ្ដាលរបស់ក្លឹបបឹងកេតអង្គរ ហុង ផេង នឹងអាចត្រូវសម្រាកព្យាបាលរបួសដាច់សរសៃពួររយៈពេលចំនួន៣ខែ ទើបអាចត្រឡប់មកជួយក្រុមវិញបាន បន្ទាប់ពីរូបគេប៉ះទង្គិចគ្នាក្នុងការប្រកួតទល់ជាមួយក្លឹបណាហ្គាវើល កាលពីម្សិលមិញនេះ ដែលបញ្ចប់ទៅដោយលទ្ធផល០-០ នៃការប្រកួតសប្ដាហ៍ទី១៥ ក្របខ័ណ្ឌលីគកំពូលកម្ពុជា។
លោក បែ មករា អ្នកចាត់ការទូទៅរបស់ក្លឹបបឹងកេតអង្គរបានឲ្យដឹងថា ក្រោយពេលថតមើលសរសៃពួរកាលពីយប់មិញនេះ ដំណាក់កាលដំបូងគ្រូពេទ្យសន្និដ្ឋានថា កីឡាកររូបនេះនឹងអាចសម្រាកព្យាបាលរបួសរយៈពេល៣ខែ ទើបអាចជាសះស្បើយឡើងវិញ។ ប៉ុន្តែមិនទាន់សន្មតទាំងស្រុង ១០០%នោះទេ។
អ្នកចាត់ការរូបនេះបន្តថា លោកនឹងយក ហុង ផេង ទៅព្យាបាលកន្លែងថ្មីមួយទៀត ដែលអាចមានកម្រិតព្យាបាលច្បាស់ល្អជាងកន្លែងដែលបានថតកាលពីយប់មិញនេះ។ លទ្ធផលច្បាស់ ១០០% នឹងអាចកំណត់បានល្ងាចនេះក្រោយពេលបញ្ចូលទៅដល់កន្លែងថ្មីនោះ និងក្រោយពេលពិនិត្យ។
ហុង ផេង នឹងអាចបាត់បងឱកាសជាប់ជម្រើសជាតិប្រកួតមិត្តភាពអន្តរជាតិជាមួយ ហុងកុង ដែលនឹងត្រូវប្រមូលផ្ដុំមុនការប្រកួតចំនួន ១សប្ដាហ៍ប្រសិនបើរូបមិនអាចបង្ហាញខ្លួនរហូត ៣ខែនោះ។ កម្មវិធីប្រកួតមិត្តភាពអន្តរជាតិទល់និងក្រុមហុងកុង នឹងត្រូវធ្វើឡើងចំនួនពីរលើកគឺថ្ងៃទី១ ខែកញ្ញា និងជើងទី២ថ្ងៃទី៦ តុលា ឆ្នាំ២០១៦ ខាងមុខនេះ៕
អត្ថបទ៖ ស្រី សុវណ្ណដារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
