តារាសម្ដែងជើងចាស់ ឈុន ណារី លាចាកលោកអម្បាញ់មិញនេះ

2016-08-10 22:35:14
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាសម្ដែងជើងចាស់អ្នកស្រី ឈុន ណារី ដែលធ្លាក់ខ្លួនឈឺរុំារៃដោយជំងឺទាចទឹកជាយូរមកនោះ បានលាចាកលោកទៅហើយ នៅប្រមាណ១ម៉ោងមុននេះ។ នេះបើតាមស្វាមីរបស់អ្នកស្រីផ្ទាល់បានប្រាប់ Sabay។

លោក ប្រាក់ ផាន់ ជាយុទ្ធជនពិការ ជាស្វាមីប្រាប់ថា អ្នកស្រី ឈុន ណារី ចាប់ផ្ដើមទុកខ្លាំងតាំងពីយប់ ដោយមិនអាចនិយាយអ្វីបានឡើយ រហូតដល់ម៉ោងប្រមាណ ១រសៀលថ្ងៃនេះ តារាសម្ដែងជើងចាស់រូបនេះ បានធ្វើមរណកាលទៅហើយ ហើយក្រុមគ្រួសារកំពុងរៀបចំចាត់ចែងពិធីតាមប្រពៃណីនៅនឹងគេដ្ឋានផ្ទាល់ស្ថិតក្នុងភូមិចុងកៅស៊ូ សង្កាត់ស្លក្រាម ខេត្តសៀមរាប។

តាមក្រុមគ្រួសារ សពអ្នកស្រី ឈុន ណារី នឹងត្រូវរៀបចំបូជានៅថ្ងៃសុក្រទី ១១ សីហានេះ តាមការណែនាំរបស់លោកតាអាចារ្យដែលស្អែកនេះ មិនអាចបូជាបាន។ តារាសម្ដែងជើងចាស់ ដែលគេឃើញស្នាដៃចុងក្រោយរបស់អ្នកស្រីក្នុងរឿង "សុបិនឡូយ៩" របស់ BBC បានលាចាកលោកទៅបន្សល់ទុកស្វាមីជាយុទ្ធជនពិការ និងកូនស្រីម្នាក់៕

អាន៖ តារាជើងចាស់ ឈុន ណារី កើតទាចទឹក ស្ថានភាពយ៉ាងណាហើយ?

អត្ថបទ៖ ទារិកា