Full MV “បរាជ័យជាមេរៀន” ចេញផ្លូវការហើយ

2016-08-12 18:28:08
ចំនួនមតិ 0 | ចំនួនចែករំលែក 0

ចន្លោះមិនឃើញ

បទ “បរាជ័យជាមេរៀន” របស់លោក ប្រាក់ សុផាន់ណា តារាចម្រៀង Original ពិការម្នាក់រ ស់នៅក្នុងអង្គការមួយនៅខេត្តសៀមរាប ដែលត្រូវបានអ្នកដឹកនាំសម្ដែងមួយក្រុមចូលលុយគ្នា សម្រេចថតវីដេអូខារ៉ាអូខេឲ្យដោយមិនយកប្រាក់នោះ នៅព្រឹកនេះបានចេញ Full MV ហើយ។

MV ខាងលើបានថតប្រហែល១ខែមុននៅលើទឹកដីខេត្តសៀមរាប ដោយក្រុមអ្នកដឹកនាំសម្ដែងមានដូចជាលោក បាន ឌីម៉ង់ លោក ទូច ស៊ីដេត និង លោក Shutter Shoot និងក្រុមបច្ចេកទេសជាច្រើនទៀតដែលពួកគេ សុទ្ធតែជាអ្នកធ្លាប់មានបទពិសោធ ដឹកនាំការសម្ដែងក្នុងផលិតកម្មធំៗ ដួចជា ហង្សមាស ថោន និងផលិតកម្ម M ជាដើម។

មូលហេតុដែលនាំឲ្យក្រុមអ្នកដឹកនាំសម្ដែងទាំងនោះ ប្រឹងស្កាត់ពីភ្នំពេញទៅសៀមរាប ដោយចំណាយប្រាក់ផ្ទាល់ខ្លួនទៅថតវីដេអូចម្រៀង (MV) ឲ្យតារាចម្រៀងពិការខាងលើ ក៏ព្រោះតែពួកគេអាណិត ពេញចិត្តស្នាដៃ និងចង់លើកទឹកចិត្តដល់ជនពិការផ្សេងទៀតឲ្យមានចិត្តតស៊ូ។

ជាមួយនឹងសមិទ្ធផលខាងលើ លោក បាន ឌីម៉ង់ បានប្រាប់ថា ដោយសារតែ មានពេលលេលាតិច ហើយលោក ប្រាក់ សុផាន់ណា ដែលជាតារាចម្រៀងពិការ មានភាពលំបាកក្នុងការធ្វើដំណើរពីកន្លែងមួយទៅកន្លែងមួយទៀត ដូចនេះ ប្លង់សាច់រឿងនៃបទចម្រៀងនេះ ធ្វើមិនទាន់បានល្អដូចការរំពឹងទុកឡើយ ៕