ប្អូនជីដូនមួយ ខៀវ សុខារ៉ាវី ត្រូវជនមិនស្គាល់មុខបាញ់ស្លាប់មុននេះ

2016-08-14 05:32:53
ចំនួនមតិ 0 | ចំនួនចែករំលែក 0

ចន្លោះមិនឃើញ

តាមលោក សាន ប៊ុនធឿន រាយការណ៍មុននេះបន្តិច បានឲ្យដឹងមកថា ប្អូនជីដូនមួយម្នាក់របស់តារាសម្ដែង ខៀវ សុខារ៉ាវី ត្រូវបានបាញ់សម្លាប់មុននេះ នៅក្នុង Star Mart មួយក្នុងផ្ទះរបស់តារាសម្ដែងនេះតែម្ដង។

ខៀវ សុខារ៉ាវី

សាន ប៊ុនធឿន បានអធិប្បាយទៀតថា លោកបានទទួលដំណឹងនេះពីតារាស្រីខាងលើនេះផ្ទាល់ ទើបលោកធ្វើសេចក្ដីរាយការណ៍ភ្លាមៗ។ ដូចគ្នានឹងការរាយការណ៍របស់លោក សាន ប៊ុនធឿន ដែរ ខៀវ សុខារ៉ាវី បានប្រាប់ Sabay តាមទូរសព្ទអម្បាញ់មិញនេះថា ពិតជាមានហេតុការណ៍បាញ់ប្រហារលើសាច់ញាតិរបស់នាងមែន។

"គេបាញ់ប្អូនជីដូនខ្ញុំបង ឥឡូវគេដាច់ខ្យល់ទៅហើយ..."។ ហេតុការណ៍នេះ បានកើតឡើងប្រមាណជាកន្លះម៉ោងមុននេះ នៅនឹងក្នុងម៉ាត ក្នុងផ្ទះ ខៀវ សុខារ៉ាវី តែម្ដង ដែលមានទីតាំងនៅម្ដុំមាត់ទន្លេ។តារាស្រីរូបនេះប្រាប់ថា ប្អូនជីដូនមួយនាងឈ្មោះ ដារ័ត្ន មានអាយុ ប្រមាណជាង ២០ឆ្នាំ ប៉ុន្តែនាង មិនទាន់ដឹងថា ដើមហេតុបណ្ដាលមកពីអ្វីនៅឡើយទេ។

ក្រៅពីប្អូនជីដូនមួយដែលបាត់បង់ជីវិត ប្អូនប្រុសបង្កើតរបស់ ខៀវ សុខារ៉ាវី ឈ្មោះ ខៀវ ថនវណ្ឌី ត្រូវប៉ូលីសឃាត់ខ្លួនយកទៅសាកសួរដែរ៕

អត្ថបទ៖ ទារិកា