ដល់ពេលនេះជើងខ្លាំង វ៉ន វីវ៉ា មិនទាន់ជាពីរបួសដៃ១០០%ឡើយ

2016-09-21 13:10:26
ចំនួនមតិ 0 | ចំនួនចែករំលែក 0

ចន្លោះមិនឃើញ

ជើងខ្លាំងទម្ងន់ធ្ងន់ វ៉ន វីវ៉ា រហូតមកដល់ពេលនេះនៅមិនទាន់ជាសះស្បើយពីរបួសបាក់ដៃ១០០%ឡើយ បន្ទាប់ពីចំណាយពេលព្យាបាលអស់រយៈពេលជាច្រើនខែ ក្រោយពេលគ្រោះថ្នាក់បាក់ដៃតាមរយៈការប្រកួតជាមួយកីឡាករមកពីស៊ុយអ៊ែត Carl Pechsamangym កាលពីថ្ងៃទី២១ ខែមិថុនា ឆ្នាំ២០១៥នោះទេ។

វ៉ន វីវ៉ា បានប្រាប់ថា បន្ទាប់ពីរងរបួសបាក់ដៃខាងឆ្វេងនៅពេលប្រកួតមិត្តភាពខ្មែរអន្តរជាតិនៅសង្វៀនប្រដាល់ស្ទឹងមានជ័យកាលពីឆ្នាំ២០១៥នោះ រហូតមកដល់ពេលនេះ រូបគេនៅមិនទាន់ជាពីរបួសនេះទាំងស្រុងនៅឡើយ។ ដែកដែលដាក់អមនោះមិនទាន់បានដកចេញនៅឡើយទេ ពីព្រោះគ្រូពេទ្យពិនិត្យឃើញថា ឆ្អឹងនៅមានគម្លាតឆ្ងាយពេក។ ចន្លោះពេលពី៣-៥ខែ រូបគេត្រូវទៅពិនិត្យតាមដានរបួសម្ដង។

ស្វាមីរបស់អតីតកីឡាការិនីតេក្វាន់ដូជម្រើសជាតិកម្ពុជារូបនេះប្រាប់ថា នៅពេលអាកាសធាតុត្រជាក់ របួសនេះធ្វើទុក្ខឈឺចាប់ម្ដងៗដែរ។ ចំពោះបញ្ហាឡើងសង្វៀននោះ រូបគេមិនទាន់ច្បាស់នៅឡើយ ព្រោះរបួសដៃនេះពិតជាសំខាន់ ដោយត្រូវរង់ចាំមើលបន្ដទៀត។

វ៉ន វីវ៉ា ដែលជាកីឡាករពូកែប្រើកណ្ដាប់ដៃវ៉ៃចេញមួយៗ ប៉ុន្តែធ្ងន់ធ្លាប់ប្រកួតជាមួយអតីតកីឡាករជើងខ្លាំងកម្ពុជា អេ ភូថង។ រូបគេជាម្ចាស់ខ្សែក្រវាត់ពិភពលោក ISKA ផងដែរ៕

អត្ថបទ៖ នួន ស៊ីណា