វិន័យតឹងរ៉ឹង៣យ៉ាងសម្រាប់គ្រប់គ្រង់សិស្សរបស់ក្លឹបតាឡីដំរីមានរិទ្ធិ
- 2016-10-02 17:00:39
- ចំនួនមតិ 0 | ចំនួនចែករំលែក 0
វិន័យតឹងរ៉ឹង៣យ៉ាងសម្រាប់គ្រប់គ្រង់សិស្សរបស់ក្លឹបតាឡីដំរីមានរិទ្ធិ
ចន្លោះមិនឃើញ
លោកគ្រូតា ញ៉ូវ ម៉ាកបានកំណត់គោលការណ៍៣យ៉ាងដើម្បីគ្រងសិស្សគណនៅក្លឹបប្រដាល់តាឡីដំរីមានរិទ្ធិរបស់លោកដើម្បីឲ្យមានប្រសិទ្ធភាព។
ក្លឹបប្រដាល់តាឡីដំរីមានរិទ្ធិដែលស្ថិតនៅខណ្ឌដង្កោត្រូវបានបើកជាយូរមកហើយ និងដំណើរការទៅបានល្អយ៉ាងល្អដែលបានបណ្តុះបណ្តាលកីឡាករល្អៗជាច្រើន។ លោកគ្រូតា ញ៉ូវ ម៉ាក ជាស្ថាបនិកក្លឹប និងគ្រូបង្ហាត់ផ្ទាល់បានប្រាប់ Sabay ដឹងថា លោកបានកំណត់គោលការណ៍គឺទី១ ហាមជក់បារី ទី២ ហាមសេពគ្រឿងញៀន និងទី៣ ហាមស្រីញី។ ចំពោះកីឡាករដែលមានប្រពន្ធក៏មិនត្រូវអនុញ្ញាតឲ្យគេងជាមួយគ្នាយ៉ាងតិច១-២សប្ដាហ៍។
លោកគ្រូតាបន្តថា ករណីកីឡាករណាម្នាក់បានប្រព្រឹត្តផ្ទុយពីគោលការណ៍ ដំបូងណែនាំអប់រំពី ១ទៅ២ដង។ បើមិនធ្វើតាមទៀតនឹងត្រូវបញ្ឈប់ដោយបណ្តេញចេញពីក្លឹបតែម្ដង។ គ្រូតារូបនេះបន្ថែមទៀតថា បច្ចុប្បន្ន លោកកំពុងពិភាក្សាគ្នានឹងបន្ថែមគោលការណ៍ថ្មី១ទៀត។
ទស្សនាការលើកឡើងរបស់លោកគ្រូតា ញ៉ូវ ម៉ាក
អ្នកចូលចិត្តប្រដាល់គុនខ្មែរច្បាស់ជាស្គាល់ហើយជើងខ្លាំងមួយចំនួនដែលជាកូនសិស្សរបស់ព្រឹទ្ធាចារ្យ ញ៉ូវ ម៉ាក ដូចជាកីឡាករសំបូរផ្លែ ផល សោភ័ណ្ឌ ដែលឈ្នះស្ទើររាល់ការប្រកួតនិងមានកីឡាករថៃច្រើនណាស់សន្លប់ដោយសារកូនសិស្សគ្រូតាម្នាក់នេះ។
កីឡាករ អ៊ុំ ចំរើន ជាកូនសិស្សលោកតា ញ៉ូវ ម៉ាកទើបឈ្នះខ្សែក្រវាត់ទម្ងន់៦៧គីឡូក្រាម នៅទូរទស្សន៍ CNC។ កីឡាកររូបនេះក៏ជាម្ចាស់ខ្សែក្រវាត់២ដែរ។ ផង់ សុភាពក៏ជាកូនសិស្សរបស់ក្លឹបតាឡីដំរីមានរិទ្ធិ៕
អត្ថបទ៖ នួន ស៊ីណា