វាយកូនបាល់ ប្រាប់ផលវិបាកលើការបណ្ដុះថ្នាលយុវជនត្រៀមស៊ីហ្គេម២០២៣
- 2016-10-04 22:24:54
- ចំនួនមតិ 0 | ចំនួនចែករំលែក 0
វាយកូនបាល់ ប្រាប់ផលវិបាកលើការបណ្ដុះថ្នាលយុវជនត្រៀមស៊ីហ្គេម២០២៣
ចន្លោះមិនឃើញ
លោក ជា ពៅ គ្រូបង្ហាត់កីឡាវាយកូនបាល់ជម្រើសជាតិកម្ពុជាបង្ហាញផលវិបាកក្នុងការបណ្ដុះថ្នាលយុវជន សម្រាប់ត្រៀមព្រឹត្តិការណ៍កីឡាស៊ីហ្គេមឆ្នាំ២០២៣កម្ពុជាធ្វើជាម្ចាស់ផ្ទះ។
លោក ជា ពៅ បានឲ្យដឹងថា ថ្នាលយុវជនលើប្រភេទកីឡាមួយនេះបានចាប់ផ្ដើមពង្រឹងតាំងពីឆ្នាំ២០០៥មកម្ល៉េះ ប៉ុន្តែចំណុចដែលពិបាកបំផុតគឺឪពុកម្ដាយរបស់កីឡាករភាគច្រើន នៅពេលកូនរៀនបានថ្នាក់ខ្ពស់បន្តិច ប្រាប់ឲ្យកូនឈប់លេងកីឡា ហើយផ្តោតសំខាន់ទៅលើការរៀនសូត្រតែមួយមុខ។
គ្រូបង្វឹករូបនេះបន្ថែមថា ថ្នាលយុវជនដែលត្រូវបានបណ្ដុះឡើង ពិបាកនឹងរកអ្នកថ្មីជំនួសបានណាស់ ប្រសិនបើពួកគេបោះបង់ចោល។ បច្ចុប្បន្នថ្នាលយុវជនរបស់លោកមាន១០រូបដែលកំពុងហ្វឹកហាត់យ៉ាងយកចិត្តទុកដាក់ក្នុងការត្រៀមខ្លួនព្រឹត្តិការណ៍ស៊ីហ្គេមឆ្នាំ២០២៣។
លោកបញ្ជាក់ថា យុវជនទាំង១០រូបខាងលើនេះហ្វឹកហាត់រហូតដល់ឆ្នាំ២០២៣តែម្ដង។ បើទោះបីជាកន្លងមកកីឡាមួយនេះមានថ្នាលយុវជនមិនទៀងទាត់ ពីមួយឆ្នាំទៅមួយឆ្នាំតែងមានការផ្លាស់ប្ដូរដោយសារហេតុផលខាងលើក៏ដោយ៕
អត្ថបទ៖ ស្រី សុវណ្ណដារ៉ា
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
