លេចមុខអ្នកស្នងមរតកជិត១៨០លានដុល្លាររបស់ Chow Yun Fat

2016-10-18 17:07:22
ចំនួនមតិ 0 | ចំនួនចែករំលែក 0

ចន្លោះមិនឃើញ

បណ្ដាញព័ត៌មានចិនបានឲ្យដឹងថា បុរសសង្ហាដែលលេចមុខជាមួយប្ដីប្រពន្ធតារាសម្ដែងល្បីឈ្មោះ Chow Yun Fat កាលពីពេលថ្មីៗនេះ គឺជាកូនចិញ្ចឹមរបស់អ្នកទាំង២ ហើយក៏ជាអ្នកស្នងមរតករាប់រយលានដុល្លារផងដែរ។

កាលពីយប់ថ្ងៃទី១៦ខែតុលាមុននេះ រូបភាពរបស់ប្ដីប្រពន្ធតារាសម្ដែងជួរមុខ Chow Yun Fat ព្រមទាំងបុរសវ័យក្មេងម្នាក់កំពុងទទួលទានអាហារក្នុងភោជនីយដ្ឋានមួយត្រូវបានបណ្ដាញព័ត៌មាន Oriental ផ្ដិតបាន។ ប្រភពនេះបានឲ្យដឹងថាបុរសដែលមានកម្ពស់ខ្ពស់ និងសម្បុរសនេះគឺជាកូនចិញ្ចឹមរបស់តួរឿង "ស្ដេចល្បែង" ដែលត្រូវបានយកមកចិញ្ចឹមបីបាច់តាំងពីមិនទាន់បើកភ្នែកម្ល៉េះ។ តារាអាយុ៦១ឆ្នាំបានសុំកូននេះមកចិញ្ចឹមកាលពី១៨ឆ្នាំមុន។

ដោយសារតែមិនចង់ឲ្យគេចាប់អារម្មណ៍ កូនប្រុសរបស់ Chow Yun Fat ត្រូវបានបញ្ជូនទៅសិក្សានៅប្រទេសអូស្ត្រាលីតាំងពីក្មេង។ តាមនោះដែរ ប្រុសស្អាតនេះក៏ជាអ្នកស្នងមរតកទ្រព្យសម្បត្តិ ១២០០លានយាន់(១៧៨លានដុល្លារ) របស់កំពូលតារាសម្ដែងហុងកុងផងដែរ។